യാത്രക്കിടെ സൂപ്പർഫാസ്റ്റ് ബസ്സിൻ്റെ ടയർ പൊട്ടിത്തെറിച്ചു; 9 പേർക്ക് ദാരുണാന്ത്യം
ചെന്നൈ: തമിഴ്നാട്ടിലെ കടലൂര് ജില്ലയില് തിട്ടക്കുടിക്ക് സമീപം നിയന്ത്രണം വിട്ട സര്ക്കാര് ബസും കാറുകളും കൂട്ടിയിടിച്ച് ഉണ്ടായ വന് അപകടത്തില് ഒമ്പത് പേര് മരിച്ചു.
ബുധനാഴ്ച രാത്രി എട്ടുമണിയോടെയായിരുന്നു അപകടം. തിരുച്ചിയില് നിന്ന് ചെന്നൈയിലേക്ക് പോവുകയായിരുന്ന സൂപ്പര്ഫാസ്റ്റ് സര്ക്കാര് ബസിന്റെ മുന്ഭാഗത്തെ ടയര് പൊട്ടിത്തെറിച്ചതിനെ തുടര്ന്ന് വാഹനം നിയന്ത്രണം വിട്ടതാണ് അപകടത്തിന് കാരണമായത്.
ഡിവൈഡര് തകര്ത്തു എതിര്ദിശയിലേക്ക് കുതിച്ച ബസ് മുന്നില് വന്ന രണ്ട് കാറുകളില് ഇടിക്കുകയായിരുന്നു.
ഇടിയുടെ ആഘാതത്തില് കാറുകള് പൂര്ണമായും തകര്ന്നു. കാറിലുണ്ടായിരുന്ന ഏഴുപേര് സംഭവസ്ഥലത്തുവച്ചുതന്നെ മരിച്ചു.
ഗുരുതരമായി പരിക്കേറ്റ രണ്ട് പേര് ആശുപത്രിയില് ചികിത്സയിലിരിക്കെ പിന്നീട് മരണപ്പെട്ടു.
അപകടത്തെ തുടര്ന്ന് ചെന്നൈ–തിരുച്ചി ദേശീയപാതയില് രണ്ട് മണിക്കൂറോളം ഗതാഗതം പൂര്ണമായി തടസ്സപ്പെട്ടു.
രക്ഷാപ്രവര്ത്തനത്തിനായി പൊലീസ്, അഗ്നിരക്ഷാസേന, ആരോഗ്യ പ്രവര്ത്തകര് എന്നിവരെത്തി. അപകടത്തെക്കുറിച്ച് പൊലീസ് അന്വേഷണം ആരംഭിച്ചിട്ടുണ്ട്.
English Summary
Nine people were killed in a major road accident near Thittakudi in Tamil Nadu’s Cuddalore district after a government bus lost control and rammed into two cars. The accident occurred on Wednesday night when the front tyre of the Tiruchy–Chennai superfast bus burst, causing it to cross the divider and crash into oncoming vehicles. Seven people died on the spot, while two others succumbed to injuries later in hospital. Traffic on the Chennai–Tiruchy National Highway was disrupted for nearly two hours.
Tamil Nadu bus-car accident kills nine in Cuddalore
Tamil Nadu, Road Accident, Cuddalore, Thittakudi, Government Bus, Fatal Crash, National Highway, Breaking News
