കാസർകോട്: സ്കൂളിൽ സാമൂഹിക വിരുദ്ധരുടെ അതിക്രമം. കുട്ടികളുടെ പുസ്തകങ്ങൾ തീയിട്ട് നശിപ്പിച്ചു. കാസർകോട് ബോവിക്കാനം എയുപി സ്കൂളിലാണ് സംഭവം.(Students’ books kept in the classroom were burned by anti-socials)
ഇന്ന് രാവിലെ അധ്യാപകർ എത്തിയപ്പോഴാണ് ക്ലാസ് മുറിയിൽ പുസ്തകങ്ങൾ തീയിട്ട് നശിപ്പിച്ചതായി കണ്ടെത്തിയത്. സാധാരണ കുട്ടികള്‍ പുസ്തകങ്ങള്‍ തിരിച്ച് വീട്ടിലേക്ക് കൊണ്ടുപോവാറുണ്ടെങ്കിലും ചില പുസ്തകങ്ങള്‍ ക്ലാസ്സിൽ തന്നെ സൂക്ഷിക്കുകയാണ് പതിവ്. ക്ലാസ് മുറിയുടെ ജനൽ വഴി ഉള്ളിലേക്കാണ് അജ്ഞാത സംഘം തീയിട്ടത്.
മറ്റൊരു മുറിയിൽ സൂക്ഷിച്ചിരുന്ന ക്ലീനിംഗ് വസ്തുക്കൾ തീയിടാനും ശ്രമിച്ചിട്ടുണ്ട്. എന്നാൽ തീ ആളിപടരാത്തതിനാൽ വൻ ദുരന്തം ഒഴിവായി. മുൻപും ഈ സ്കൂളിന് നേരെ അതിക്രമം ഉണ്ടായിട്ടുണ്ട്. വേനലവധി സമയത്ത് സ്കൂളിന്‍റെ വാതിൽ തകർക്കാൻ ശ്രമം നടന്നിരുന്നു.
Read Also: പുതിയ മന്ത്രി വന്നപ്പോൾ നിലപാടും മാറി ബസിന്റെ നിറവും മാറി; ആനവണ്ടി ഇനി പുതിയ നിറത്തിൽ
Read Also: തടവുകാരനുമായി ലൈംഗികബന്ധം; 30 കാരിയായ ജയിൽ ഉദ്യോഗസ്ഥയുടെ വീഡിയോ പുറത്ത്; നടപടി
