ഭൂമിയിൽ ത്രസ്റ്റർ പരീക്ഷണം പൂർത്തിയാക്കിയാൽ തങ്ങൾ തിരിച്ചെത്തുമെന്ന് പ്രതീക്ഷിക്കുന്നതായും ബോയിങ്ങിന്റെ ബഹിരാകാശ കാപ്‌സ്യൂളിന് തങ്ങളെ സുരക്ഷിതമായി തിരികെ ഭൂമിയിലെത്തിക്കാനാകുമെന്ന കാര്യത്തിൽ ആത്മവിശ്വാസമുണ്ടെന്നും സുനിത വില്യംസും ബുച്ച് വിൽമോറും. ഭ്രമണപഥത്തിൽ നിന്നുള്ള അവരുടെ ആദ്യ വാർത്താ സമ്മേളനത്തിലാണ് ഇരുവരും ഇക്കാര്യം വ്യക്തമാക്കിയത്.

പദ്ധതിയുടെ നാൾ‍ വഴികൾ ഇങ്ങനെ:

∙2010 : മനുഷ്യ ബഹിരാകാശ യാത്രാ ശേഷിയിൽ സ്വകാര്യ മേഖലയുടെ പങ്കാളിത്തം ഉത്തേജിപ്പിക്കുന്നതിനായി നാസ കൊമേഴ്‌സ്യൽ ക്രൂ ഡെവലപ്‌മെൻ്റ് പ്രോഗ്രാം (CCDev) പ്രഖ്യാപിച്ചു.

∙2011-2014 : കൊമേഴ്‌സ്യൽ ക്രൂ ഇന്റഗ്രേറ്റഡ് കേപബിലിറ്റി (CCiCap) സംരംഭത്തിന് കീഴിൽ സ്റ്റാർലൈനർ വികസിപ്പിക്കുന്നതിന് ബോയിങിന് നാസയിൽ നിന്ന് ധനസഹായം ലഭിച്ചു.

.∙2015 : സ്റ്റാർലൈനർ പദ്ധതി പാരച്യൂട്ട് ഡ്രോപ്പ് ടെസ്റ്റുകളും ഉൾപ്പെടെ നിരവധി പരീക്ഷണങ്ങൾക്ക് വിധേയമായി.

2019 : ക്രൂവില്ലാത്ത ആദ്യത്തെ ഓർബിറ്റൽ ഫ്ലൈറ്റ് ടെസ്റ്റ് (OFT-1) ഡിസംബർ 20ന് ആരംഭിച്ചു. പക്ഷേ ഒരു മിഷൻ ടൈമർ അപാകത കാരണം, ബഹിരാകാശ പേടകം ഐഎസ്എസിൽ എത്തുന്നതിൽ പരാജയപ്പെട്ടു, പക്ഷേ സുരക്ഷിതമായി ഭൂമിയിലേക്ക് മടങ്ങി.

∙2021 :പ്രൊപ്പൽഷൻ സിസ്റ്റത്തിലെ വാൽവ് തകരാറുകൾ കാരണം ഓഗസ്റ്റില്‍ നടത്തിയ രണ്ടാമത്തെ ഓർബിറ്റൽ ഫ്ലൈറ്റ് ടെസ്റ്റ് (OFT-2) നിലച്ചു.

∙2022 :വിജയകരമായി സ്റ്റാർലൈനർ വിക്ഷേപിച്ചു, ഐഎസ്എസിനൊപ്പം ഡോക്ക് ചെയ്യുന്നു, എല്ലാ ദൗത്യ ലക്ഷ്യങ്ങളും പൂർത്തിയാക്കി സുരക്ഷിതമായി ഭൂമിയിലേക്ക് മടങ്ങി.

∙2023 : പ്രവർത്തന ദൗത്യങ്ങൾക്ക് മുമ്പുള്ള അവസാന പരീക്ഷണമായ ക്രൂ ഫ്ലൈറ്റ് ടെസ്റ്റിനുള്ള (CFT) തയ്യാറെടുപ്പുകളായിരുന്നു കഴിഞ്ഞ വർഷം.

∙ 2024: ജൂൺ 5 ന് ഫ്ലോറിഡയിലെ കേപ് കനാവറൽ സ്‌പേസ് ഫോഴ്‌സ് സ്റ്റേഷനിൽ നിന്ന് അറ്റ്ലസ് വി റോക്കറ്റിലേറി സ്റ്റാർലൈനർ ബഹിരാകാശത്തേക്ക് സ്റ്റാർലൈനർ കുതിച്ചു.

തകരാർ ഉണ്ടെങ്കിലും ബോയിങ്ങിൻ്റെ സ്‌പേസ് ക്യാപ്‌സ്യൂൾ സുരക്ഷിതമായി തിരികെ നൽകുമെന്ന് ഉറപ്പുണ്ടെന്ന് വില്യംസും വിൽമോറും പറഞ്ഞു. ന്യൂ മെക്‌സിക്കോയിലെ വൈറ്റ് സാൻഡ്‌സ് മിസൈൽ റേഞ്ചിലെ പുതിയ യൂണിറ്റിൽ സ്റ്റാർലൈനറന്റെ ത്രസ്റ്റർ പ്രശ്‌നങ്ങൾ പരീക്ഷിച്ചുനോക്കുകയാണ് നാസയും ബോയിങും. ഏറ്റവും മോശം സാഹചര്യത്തിലുള്ള ത്രസ്റ്ററുകളിൽ പോലും ഇറക്കേണ്ടി വന്നാൽ എന്താകും സ്ഥിതിയെന്നതാണ് പരീക്ഷിക്കുന്നത്.