കോഴിക്കോട്: എന്ഐടിയില് സമരം ചെയ്ത വിദ്യാര്ത്ഥികള്ക്ക് ആറ് ലക്ഷം രൂപ വീതം പിഴയിട്ട് അധികൃതര്. ക്യാമ്പസിൽ ഏര്പ്പെടുത്തിയ രാത്രി കര്ഫ്യുവിനെതിരെ പങ്കെടുത്തവര്ക്കെതിരെയാണ് നടപടി. സമരം കാരണം സ്ഥാപനത്തിന് നഷ്ടം സംഭവിച്ചു എന്നും പണം അടക്കാതിരിക്കണമെങ്കില് കാരണം കാണിക്കണമെന്നും ആവശ്യപ്പെട്ട് വിദ്യാര്ത്ഥികള്ക്ക് നോട്ടീസ് നല്കി.(Strike at kozhikode NIT the authorities fined)
2024 മാര്ച്ച് 22ന് ആണ് സമരം നടന്നത്. സമരം നയിച്ച അഞ്ച് വിദ്യാര്ത്ഥികള്ക്കാണ് നോട്ടീസ് നൽകിയത്. അയോധ്യ രാമ ക്ഷേത്ര പ്രതിഷ്ഠയുമായി ബന്ധപ്പെട്ട് ക്യാംപസില് സംഘര്ഷം നടന്നതിനെ തുടര്ന്നാണ് അധികൃതര് രാത്രി കര്ഫ്യു ഏര്പ്പെടുത്തിയത്. ‘ഇത് മതേതര ഇന്ത്യയാണ് ‘ എന്ന് പ്ലക്കാര്ഡ് ഉയര്ത്തിയതിന് സസ്പെന്റ് ചെയ്യപ്പെട്ട വൈശാഖ് പ്രേംകുമാറിനും ആറ് ലക്ഷം രൂപ അടക്കണമെന്നാവശ്യപ്പെട്ട് നോട്ടീസ് ലഭിച്ചു.
ക്യാമ്പസില് രാത്രി കര്ഫ്യൂ നടപ്പാക്കുന്നതിനെതിരെയും രാത്രി 11 മണിക്ക് കാന്റീന് അടച്ചിടുന്നതിനെതിരെയുമായിരുന്നു വിദ്യാര്ത്ഥികളുടെ സമരം നടന്നത്. സമരത്തെ തുടര്ന്നുണ്ടായ ചര്ച്ചയ്ക്കിടെ വിദ്യാര്ത്ഥികളുടെ പ്രതിഷേധത്തിനിടയില് അസ്വാസ്ഥ്യത്തെ തുടര്ന്ന് സ്റ്റുഡന്റ് ഡീന് ഡോ രാജന്കാന്ത് ജികെയെ ആശുപത്രിയില് പ്രവേശിപ്പിച്ചിരുന്നു.
Read Also: പതിനെട്ട് വർഷമായി കൂടെയുണ്ട്; സുരേഷ് ഗോപിയുടെ മേക്കപ്പ് മാൻ ഇനി മുതൽ കേന്ദ്രമന്ത്രിയുടെ സ്റ്റാഫ്!
Read Also: തെരഞ്ഞെടുപ്പ് രാഷ്ട്രീയത്തിലേക്ക് ഇനിയില്ല, പ്രവര്ത്തന കേന്ദ്രം ഇനി കേരളം തന്നെയെന്ന് കെ മുരളീധരന്
Read Also: സ്കൂൾ വിദ്യാർത്ഥിയെ ബസ് ഇടിച്ചുതെറിപ്പിച്ച സംഭവം; കടുത്ത നടപടിയെടുക്കുമെന്ന് ഹൈക്കോടതി
