മലപ്പുറം: മലപ്പുറം തെന്നലയിൽ ഏഴ് വയസുകാരന് നേരെ പാഞ്ഞടുത്ത് തെരുവ് നായ കൂട്ടം. തലനാരിഴയ്ക്കാണ് കുട്ടി രക്ഷപ്പെട്ടത്. മലപ്പുറം തെന്നല അറക്കലിലാണ് സംഭവം. അറക്കൽ സ്വദേശി സിദ്ദിക്കിന്റെ മകൻ മുഹമ്മദ് ആശിറിനെയാണ് നായക്കൂട്ടം ആക്രമിക്കാൻ ശ്രമിച്ചത്.
കുട്ടി ഓടി രക്ഷപ്പെട്ടു. സംഭവത്തിന്റെ സിസിടിവി ദൃശ്യം പുറത്ത് വന്നിട്ടുണ്ട്. വീട്ടുമുറ്റത്തേക്ക് നടന്നുവരികയായിരുന്നു കുട്ടിയുടെ അടുത്തേക്കാണ് നായ കൂട്ടം പാഞ്ഞടുത്തത്ത്. നായ കൂട്ടത്തിന്റെ വരവ് കണ്ട് ഭയന്ന് നിലവിളിച്ച് ഓടുന്ന കുട്ടിയെ ദൃശ്യങ്ങളിൽ കാണാം.
