‘വിശാലമായ അരക്കെട്ടിന്റെ സൗന്ദര്യം’; ശ്രീലീലയുടെ സ്കോട്ടിഷ് ടാർട്ടന് ഔട്ഫിറ്റ് തരംഗമാകുന്നു
തെന്നിന്ത്യൻ സിനിമാതാരം ശ്രീലീലയുടെ പുതിയ പ്ലെയ്ഡ് (Plaid) ലുക്ക് സോഷ്യൽ മീഡിയയിൽ വലിയ ചർച്ചയാകുന്നു.
പതിവ് ഒതുങ്ങിയ അരക്കെട്ടുള്ള വസ്ത്രങ്ങളിൽ നിന്ന് മാറി, വിശാലമായ ഡിസൈൻ ഉൾക്കൊള്ളുന്ന ഔട്ട്ഫിറ്റിലാണ് ഇത്തവണ താരം പ്രത്യക്ഷപ്പെട്ടിരിക്കുന്നത്.
AFEW × രാഹുൽ മിശ്ര ഫാൾ–വിന്റർ 2025 കലക്ഷനിൽ നിന്നുള്ള ഈ വസ്ത്രം ഇതിനോടകം തന്നെ ഫാഷൻ പ്രേമികളുടെ ശ്രദ്ധ പിടിച്ചുപറ്റി.
സ്കോട്ടിഷ് ടാർട്ടൻ ഫാബ്രിക്കിലാണ് ഈ പ്രത്യേക പരീക്ഷണം. ഓഫ്-ഷോൾഡർ നെക്ക് ഡിസൈൻ ശ്രീലീലക്ക് ഗ്ലാമറസ് ടച്ചാണ് നൽകുന്നത്. ആക്സസറിയായി ഡ്രോപ്പ് ഇയറിംഗ്സുകൾ മാത്രം അണിഞ്ഞ് ലളിതമായ സ്റ്റൈലാണ് താരം തെരഞ്ഞെടുത്തിരിക്കുന്നത്.
വേവി ഹെയറും മിനിമൽ മേക്കപ്പും ചേർന്നപ്പോൾ ലുക്കിന് കൂടുതൽ എലിഗൻസ് പകരുന്നു. സ്റ്റൈലിലും പരീക്ഷണങ്ങളിലും പിന്നോട്ടില്ലെന്ന് ഒരിക്കൽ കൂടി തെളിയിക്കുകയാണ് ശ്രീലീല.
അഭിനയത്തിലൂടെയും നൃത്തത്തിലൂടെയും ആരാധകരുടെ മനസ്സിൽ ഇടം നേടിയ താരമാണ് ശ്രീലീല. എന്നാൽ സിനിമാ ലോകത്തിന് അപ്പുറം ശ്രീലീലയ്ക്ക് മറ്റൊരു മുഖവും ഉണ്ട്.
24 വയസുകാരിയായ ശ്രീലീല മൂന്ന് കുട്ടികളുടെ അമ്മ കൂടിയാണ്. പതിനെട്ടാം വയസിൽ സിനിമയിലെത്തിയ താരം, തന്റെ കരിയറിന്റെ തുടക്കകാലത്തുതന്നെ, 21-ാം വയസിൽ രണ്ട് കുട്ടികളെ ദത്തെടുത്തിരുന്നു.
ഭിന്നശേഷിക്കാരായ ആ കുട്ടികൾക്ക് കൂട്ടായി അടുത്തിടെയാണ് മൂന്നാമത്തെ കുട്ടിയെയും ദത്തെടുത്തത്.
അതേസമയം, തന്റെ കുട്ടികളെക്കുറിച്ച് ശ്രീലീല ഇതുവരെ പരസ്യമായി സംസാരിച്ചിരുന്നില്ല.
സ്വകാര്യ ജീവിതം ക്യാമറകളിൽ നിന്നും പൊതുസമൂഹത്തിന്റെ കണ്ണുകളിൽ നിന്നും അകറ്റി നിർത്താനാണ് താരം എപ്പോഴും ശ്രമിച്ചിട്ടുള്ളത്. എന്നാൽ ഗലാട്ട പ്ലസിന് നൽകിയ ഒരു അഭിമുഖത്തിലാണ് ആദ്യമായി തന്റെ മാതൃത്വത്തെക്കുറിച്ച് ശ്രീലീല തുറന്നുപറഞ്ഞത്.
“ഞങ്ങൾ അഭിനേതാക്കൾ ചെയ്യുന്ന സാധാരണ കാര്യങ്ങൾക്കുപോലും വലിയ അംഗീകാരം ലഭിക്കാറുണ്ട്. നിങ്ങൾ ഉപയോഗിക്കുന്ന ‘അമ്മ’ എന്ന വാക്ക് വളരെ വലിയതാണ്. നിങ്ങൾ ഉദ്ദേശിക്കുന്നത് എന്താണെന്ന് എനിക്ക് മനസ്സിലാകുന്നു.
പക്ഷേ ആളുകൾ കരുതുന്നതുപോലെയല്ല എന്റെ സാഹചര്യം. നിർഭാഗ്യവശാൽ, അവരെ എന്റെ കൂടെ താമസിപ്പിക്കാൻ കഴിയില്ല. അത് എന്റെ ജീവിതത്തിലെ മറ്റൊരു ഭാഗമാണ്.
അതിനെ സ്വകാര്യമായി സൂക്ഷിക്കാനാണ് എനിക്ക് ഇഷ്ടം,” എന്നാണ് ശ്രീലീല അഭിമുഖത്തിൽ പറയുന്നത്.
English Summary
South Indian actress Sreeleela’s plaid look has gone viral on social media. Moving away from fitted silhouettes, she opted for a wide-structured outfit from the AFEW × Rahul Mishra Fall–Winter 2025 collection. Crafted in Scottish tartan fabric, the off-shoulder design adds a glamorous touch. Styled with drop earrings, wavy hair, and minimal makeup, Sreeleela impressed fashion enthusiasts with her elegant and experimental look.
sreeleela-plaid-look-rahul-mishra-fw-2025
Sreeleela, plaid look, Rahul Mishra, AFEW collection, fashion news, South Indian actress, celebrity style, tartan dress
