വൻ ജനക്കൂട്ടത്തിനിടയിൽ ഒറ്റപ്പെട്ടുപോയ കുട്ടിയെ കണ്ടെത്തി കുടുംബത്തോടൊപ്പം ചേർത്ത ഗായകൻ സോനു നിഗം

വൻ ജനക്കൂട്ടത്തിനിടയിൽ ഒറ്റപ്പെട്ടുപോയ കുട്ടിയെ കണ്ടെത്തി കുടുംബത്തോടൊപ്പം ചേർത്ത ഗായകൻ സോനു നിഗം

വൻ ജനക്കൂട്ടത്തിനിടയിൽ ഒറ്റപ്പെട്ടുപോയ കുട്ടിയെ കണ്ടെത്തി കുടുംബത്തോടൊപ്പം ചേർത്ത ഗായകൻ സോനു നിഗത്തിന്റെ വീഡിയോ സമൂഹമാധ്യമങ്ങളിൽ വൈറലാകുന്നു.

കർണാടകയിലെ ഹുബ്ബള്ളിയിൽ ഏകദേശം 30,000ത്തിലധികം ആളുകൾ പങ്കെടുത്ത സംഗീതപരിപാടിക്കിടെയായിരുന്നു സംഭവം. പരിപാടിയുടെ ദൃശ്യങ്ങൾ സോനു നിഗം തന്നെ സമൂഹമാധ്യമങ്ങളിൽ പങ്കുവെച്ചു.

വീഡിയോയിൽ കുട്ടിയുടെ കൈപിടിച്ച് വേദിയിലേക്ക് എത്തുന്ന സോനുവിനെ കാണാം. ‘സായി’ എന്ന കുട്ടിയുടെ പപ്പയും മമ്മിയും എവിടെയാണെന്ന് പാട്ടിലൂടെ ചോദിച്ച് സോനു കാണികളെ രസിപ്പിക്കുകയും ചെയ്തു.

കുട്ടിക്ക് ഭയം തോന്നാതിരിക്കാനായി പാട്ടുപാടി, കൈപിടിച്ച് ഒപ്പം നടക്കുകയും തമാശകൾ പറഞ്ഞും ചിരിപ്പിച്ചും അദ്ദേഹം സാഹചര്യം ശാന്തമാക്കി.

പാട്ടിനിടയിൽ സായിയോട് മാതാപിതാക്കൾ എവിടെയെന്ന് ചോദിച്ചപ്പോൾ, “പപ്പയും മമ്മിയും കൂടെ വന്നിട്ടില്ല” എന്നായിരുന്നു മറുപടി. ഇത് കേട്ട് സോനു ഒന്നു ആശ്ചര്യപ്പെട്ടെങ്കിലും പിന്നാലെ “അപ്പോൾ ആരോടൊപ്പം എത്തിയതാണ്?” എന്ന് ചോദിച്ചു.

“ചാച്ചു (അങ്കിൾ) കൂടെയാണ്” എന്നായിരുന്നു സായിയുടെ മറുപടി. തുടർന്ന് അങ്കിളിനെ തേടി സോനുവിന്റെ രസകരമായ വരികൾ മുഴങ്ങി.

ഇതിനിടെ പ്രൊഡക്ഷൻ സംഘം കുട്ടിയുടെ അങ്കിളിനെ കണ്ടെത്തിയതോടെ സായിക്കും സോനുവിനും കാണികൾക്കും ആശ്വാസമായി. തുടർന്ന് സംഗീതപരിപാടി സാധാരണ നിലയിലേക്ക് മടങ്ങി.

ഇന്ത്യയിലുടനീളം നടക്കുന്ന ‘ദിവാന തേറ കൺസേർട്ട്’ പര്യടനത്തിന്റെ ഭാഗമായാണ് സോനു നിഗം ഇപ്പോൾ സഞ്ചരിക്കുന്നത്. ഗുവാഹത്തി, ജയ്പൂർ, ഇൻഡോർ എന്നിവിടങ്ങളിലെ പരിപാടികൾക്കു ശേഷം ഫെബ്രുവരി 14ന് ലഖ്നൗവിലാണ് അടുത്ത ഷോ നിശ്ചയിച്ചിരിക്കുന്നത്.

English Summary

Singer Sonu Nigam helped reunite a lost child with his family during a concert in Hubballi, Karnataka, attended by around 30,000 people. Holding the child’s hand, Sonu calmly sang and interacted with the audience to locate the boy’s guardian. Eventually, the production team found the child’s uncle, bringing relief to everyone. The incident occurred during Sonu Nigam’s ‘Deewana Tera Concert’ tour, with his next show scheduled in Lucknow on February 14.

sonu-nigam-reunites-lost-child-hubballi-concert

Sonu Nigam, Hubballi Concert, Viral Video, Lost Child, Deewana Tera Concert, Karnataka, Bollywood Singer, India News