കണ്ണൂര്: തെരുവ് വിളക്കിന്റെ സോളാർ പാനൽ പൊട്ടിവീണ് വിദ്യാർഥി മരിച്ചു. കണ്ണൂർ വെള്ളിക്കീലിന് സമീപമാണ് അപകടമുണ്ടായത്. കീഴറ സ്വദേശി ആദിത്യൻ ഇ.പി(19) ആണ് മരിച്ചത്.
അപകടത്തെ തുടർന്ന് ചികിത്സയിലിരിക്കെയാണ് മരണം സംഭവിച്ചത്. ബൈക്കിൽ സഞ്ചരിക്കുന്നതിനിടെ വിദ്യാർഥിയുടെ തലയിൽ സോളാർ പാനൽ പൊട്ടി വീഴുകയായിരുന്നു.
കൊച്ചിയിൽ വിദ്യാര്ഥിയെ ഉൾപ്പെടെ ആക്രമിച്ച തെരുവുനായയ്ക്ക് പേവിഷബാധ
കൊച്ചി: അയ്യപ്പന്കാവില് ആളുകളെ ആക്രമിച്ച തെരുവുനായയ്ക്ക് പേവിഷബാധ സ്ഥിരീകരിച്ചു. പോസ്റ്റുമോര്ട്ടത്തിലാണ് നായയ്ക്ക് പേവിഷബാധയുള്ളതായി സ്ഥിരീകരിച്ചത്.
വിദ്യാർത്ഥിയെ ഉൾപ്പെടെ ആറോളം പേരെയാണ് നായ കടിച്ചത്. വിദ്യാര്ഥിയെ നായ ആക്രമിക്കുന്ന സിസിടിവി ദൃശ്യങ്ങള് പുറത്ത് വന്നിരുന്നു. ഈ നായ മറ്റു നായ്ക്കളെയും അക്രമിച്ചതായാണ് വിവരം.
എന്നാൽ ആശങ്കപ്പെടേണ്ട സാഹചര്യമില്ലെന്ന് നഗരസഭ കൗണ്സിലര് അറിയിച്ചു. പ്രദേശവാസികകള് ജാഗ്രത പുലര്ത്തണമെന്നും അറിയിച്ചിട്ടുണ്ട്. നായ ആക്രമിച്ച എല്ലാവര്ക്കും വാക്സിന് നല്കിയിട്ടുണ്ട്. പ്രതിരോധ പ്രവര്ത്തനങ്ങള് ശക്തമാക്കണമെന്ന് നഗരസഭ നിർദേശം നൽകിയിട്ടുണ്ട്.
