‘ജനനായകന്’ മാറ്റിവെച്ച പൊങ്കല്; 9 വര്ഷം പെട്ടിയിലിരുന്ന ചിത്രം തിയറ്ററുകളിലേക്ക്
തമിഴ് സിനിമയുടെ ഏറ്റവും വലിയ റിലീസ് സീസണായ പൊങ്കലില് ഇത്തവണ അപ്രതീക്ഷിത പ്രതിസന്ധിയാണ് ഉണ്ടായത്.
വിജയ്യുടെ അവസാന ചിത്രം എന്ന നിലയില് വമ്പന് പ്രതീക്ഷകളോടെ എത്താനിരുന്ന ‘ജനനായകന്’ സെന്സര് പ്രശ്നങ്ങളെത്തുടര്ന്ന് റിലീസ് ചെയ്യാനാവാതെ വന്നതോടെയാണ് പൊങ്കല് റിലീസുകളില് വലിയ ശൂന്യത രൂപപ്പെട്ടത്.
ഇതോടെ ശിവകാര്ത്തികേയന് നായകനായ ‘പരാശക്തി’ മാത്രമായി തമിഴകത്തിന്റെ പൊങ്കല് റിലീസ് ചുരുങ്ങി.
കേരളത്തിൽ വിസ്മയമൊരുക്കി ഇന്ത്യയിലെ ഏറ്റവും വലിയ ആകാശപാത; കുതിച്ചുപായാൻ ഇനി ദിവസങ്ങൾ മാത്രം
അവസരം ഉപയോഗപ്പെടുത്താന് നിര്മാതാക്കള്
‘ജനനായകന്’ ഒഴിച്ചിട്ട റിലീസ് വിന്ഡോ ഉപയോഗപ്പെടുത്താന് നിരവധി നിര്മാതാക്കള് ശ്രമം തുടങ്ങിയിരുന്നു.
അതിനിടെയാണ് ഒമ്പത് വര്ഷം മുന്പ് ചിത്രീകരിച്ച ഒരു സിനിമ പൊങ്കല് റിലീസ് ഉറപ്പിച്ച് രംഗത്തെത്തിയിരിക്കുന്നത്.
2017-ല് ചിത്രീകരിച്ച ‘സെര്വര് സുന്ദരം’
സന്താനം നായകനായി ആനന്ദ് ബല്കി രചനയും സംവിധാനവും നിര്വഹിച്ച ‘സെര്വര് സുന്ദരം’ ആണ് ഇപ്പോള് പൊങ്കല് റിലീസിനൊരുങ്ങുന്നത്.
കോമഡി–ഡ്രാമ വിഭാഗത്തില്പ്പെടുന്ന ഈ ചിത്രത്തിന്റെ ചിത്രീകരണം 2017-ലാണ് പൂര്ത്തിയായത്.
എല്ലാ സാങ്കേതിക ജോലികളും നേരത്തെ തീര്ന്നിരുന്നെങ്കിലും വിവിധ കാരണങ്ങളാല് റിലീസ് നീണ്ടുപോവുകയായിരുന്നു.
പൊങ്കലിന് റിലീസ്; തീയതി സൂചന
നിലവിലെ സാഹചര്യത്തില് ‘ജനനായകന്’ ഒഴിവാക്കിയ പൊങ്കല് സാധ്യതകള് പ്രയോജനപ്പെടുത്താനാണ് നിര്മാതാക്കളുടെ തീരുമാനം.
കൃത്യമായ റിലീസ് തീയതി പ്രഖ്യാപിച്ചിട്ടില്ലെങ്കിലും ജനുവരി 14-ന് ചിത്രം തിയറ്ററുകളിലെത്തുമെന്നതാണ് റിപ്പോര്ട്ടുകള്.
താരനിരയും നിര്മാണവും
വൈഭവി ശാണ്ഡില്യ, ബിജേഷ്, കിരണ് റാത്തോഡ്, രാധാ രവി, കിറ്റി, മായ എസ് കൃഷ്ണന് തുടങ്ങിയവരാണ് ചിത്രത്തിലെ മറ്റ് പ്രധാന താരങ്ങള്.
കെനന്യ ഫിലിംസ്, മിറാക്കിള് മൂവീസ് എന്നീ ബാനറുകളിലാണ് നിര്മാണം.
1964-ല് നാഗേഷ് നായകനായി പുറത്തിറങ്ങിയ പ്രശസ്ത ചിത്രത്തിന്റെ പേരാണ് ‘സെര്വര് സുന്ദരം’ എന്നെങ്കിലും, പേരൊഴികെ രണ്ട് ചിത്രങ്ങള്ക്കും തമ്മില് ബന്ധമില്ല.
പെട്ടിയിലിരുന്ന് വിജയത്തിലേക്ക്?
12 വര്ഷം പെട്ടിയിലിരുന്നതിന് ശേഷം റിലീസ് ചെയ്ത് വലിയ വിജയം നേടിയ വിശാല് ചിത്രം ‘മദ ഗജ രാജ’യുടെ അനുഭവം കോളിവുഡിന് മുന്നിലുണ്ട്.
അതുപോലെ തന്നെ ‘സെര്വര് സുന്ദര’വും പെട്ടിയിലിരുന്ന് പൊങ്കല് വിജയമാകുമോ എന്ന ആകാംക്ഷയിലാണ് ഇപ്പോള് തമിഴ് സിനിമാലോകം.
English Summary:
With Vijay’s Jananayakan failing to release due to censor issues, a major Pongal release gap has emerged in Tamil cinema. Seizing the opportunity, Server Sundaram, a film shot in 2017 starring Santhanam, is now set for a Pongal theatrical release after remaining unreleased for nine years.
