സഞ്ജു ധോണിയെപ്പോലെയാണെന്ന് സൈമൺസ്! ഐപിഎല്ലിൽ സഞ്ജു തരംഗം
ചെന്നൈ: സഞ്ജു സാംസൺ വീണ്ടും ഫോമിലെത്തിയതോടെ ഐപിഎൽ വേദിയിൽ അദ്ദേഹത്തെ പ്രശംസിച്ച് രംഗത്തെത്തി ചെന്നൈ സൂപ്പർ കിങ്സ് സഹ പരിശീലകൻ എറിക് സൈമൺസ്. മുൻ ഇന്ത്യൻ നായകൻ എം.എസ് ധോനിയുടെ ശാന്തതയും കളിയോടുള്ള സമീപനവും സഞ്ജുവിനും ഉണ്ടെന്ന് അദ്ദേഹം വ്യക്തമാക്കി.
ഡൽഹി ക്യാപിറ്റൽസ്ക്കെതിരായ മത്സരത്തിൽ 52 പന്തിൽ സെഞ്ച്വറി നേടി പുറത്താകാതെ 115 റൺസ് നേടിയ സഞ്ജു, ആദ്യ മൂന്ന് മത്സരങ്ങളിലെ മോശം പ്രകടനത്തിന് പിന്നാലെ ശക്തമായ തിരിച്ചുവരവാണ് നടത്തിയത്. 15 ഫോറും നാല് സിക്സും ഉൾപ്പെടുന്നതായിരുന്നു താരത്തിന്റെ ഇന്നിങ്സ്.
മത്സരത്തിന് ശേഷം മാധ്യമങ്ങളോട് പ്രതികരിച്ച എറിക് സൈമൺസ്, “ധോനിയോടൊപ്പം വർഷങ്ങളോളം പ്രവർത്തിക്കാൻ അവസരം ലഭിച്ചിരുന്നു. ഞാൻ കണ്ട ഏറ്റവും ശാന്തനായ ക്രിക്കറ്റർമാരിൽ ഒരാളാണ് അദ്ദേഹം. സഞ്ജുവും അതുപോലെ തന്നെ മത്സരത്തെ വായിച്ച് ശാന്തമായി മുന്നോട്ട് പോകുന്ന താരമാണ്,” എന്ന് പറഞ്ഞു.
സഞ്ജുവിന്റെ മാനസിക ശക്തിയും ആത്മവിശ്വാസവും പ്രത്യേകമായി എടുത്തുപറഞ്ഞ അദ്ദേഹം, “ഫോം ഔട്ട് എന്നത് താൽക്കാലികമാണ്. ഒരു നല്ല ഇന്നിങ്സ് എല്ലാം മാറ്റിമറിക്കും. സഞ്ജു പോലുള്ള ക്ലാസ് താരങ്ങൾ തിരിച്ചുവരുമെന്ന് എനിക്ക് ഉറപ്പുണ്ടായിരുന്നു,” എന്നും കൂട്ടിച്ചേർത്തു.
സമ്മർദ്ദഘട്ടങ്ങളിലും ശാന്തത കൈവിടാതെ സ്വന്തം കഴിവിൽ വിശ്വാസം പുലർത്തുന്ന സഞ്ജുവിന്റെ സമീപനം തന്നെയാണ് അദ്ദേഹത്തെ മികച്ച താരമാക്കുന്നതെന്ന് സൈമൺസ് വിലയിരുത്തി.
English Summary
After his match-winning century against Delhi Capitals, Sanju Samson was praised by CSK assistant coach Eric Simons, who compared him to MS Dhoni. Simons highlighted Samson’s calm temperament and ability to read the game under pressure. Following criticism for his poor form in earlier matches, Samson bounced back with an unbeaten 115, proving his class and mental strength.
Sanju Samson, MS Dhoni, Eric Simons, IPL 2026, Chennai Super Kings, Delhi Capitals, Cricket News, IPL Century, Indian Cricket, Sports News
