കൊച്ചി: പ്രൊഡ്യൂസേഴ്സ് അസോസിയേഷനില് നിന്ന് പുറത്താക്കിയതിനെതിരെ നടിയും നിർമാതാവുമായ സാന്ദ്ര തോമസ് കോടതിയെ സമീപിച്ചു. അസോസിയേഷന്റെ നടപടി റദ്ദാക്കണമെന്നും പുറത്താക്കിയത് നിയമവിരുദ്ധമാണെന്നും ചൂണ്ടിക്കാട്ടിയാണ് സാന്ദ്ര കോടതിയിൽ എത്തിയത്. എറണാകുളം സബ് കോടതിയെയാണ് സാന്ദ്ര സമീപിച്ചത്.(sandra thomas approached the court against kfpa action)
തനിക്കെതിരെ ഉയർന്ന ലൈംഗിക അധിക്ഷേപം ചോദ്യം ചെയ്തതാണ് പ്രതികാര നടപടിക്ക് കാരണമെന്ന് സാന്ദ്ര പ്രതികരിച്ചു. പ്രൊഡ്യൂസേഴ്സ് അസോസിയേഷൻ തീരുമാനത്തിനെതിരെ ഫിലിം ചേംമ്പറിനും കത്ത് നൽകാനാണ് സാന്ദ്രയുടെ തീരുമാനം.
അച്ചടക്കം ലംഘിച്ചു എന്ന കാരണം കാണിച്ച് സാന്ദ്രയെ കഴിഞ്ഞ ദിവസമാണ് പ്രൊഡ്യൂസേഴ്സ് അസോസിയേഷനില് നിന്ന് പുറത്താക്കിയത്. ഹേമ കമ്മിറ്റി റിപ്പോര്ട്ടിന്റെ പശ്ചാത്തലത്തില് പ്രൊഡ്യൂസേഴ്സ് അസോസിയേഷനെ സമ്മര്ദ്ദത്തില് ആക്കുന്ന പ്രതികരണങ്ങളാണ് സാന്ദ്രയുടെ ഭാഗത്തു നിന്നും ഉണ്ടായത്.
ഹൊറൈസൺ മോട്ടോഴ്സ് അഖില കേരള വടംവലി മത്സരം ഇന്ന് തൊടുപുഴയിൽ
