ശബരിമല സ്വര്ണക്കൊള്ളയ്ക്ക് പിന്നില് രാജ്യാന്തര പുരാവസ്തു കടത്ത്; ചെന്നിത്തലയുടെ ആരോപണം ശരിവച്ച് വ്യവസായി
ശബരിമല സ്വർണ്ണക്കൊള്ളയ്ക്ക് പിന്നിൽ രാജ്യാന്തര പുരാവസ്തു കടത്ത് സംഘം പ്രവർത്തിച്ചുവെന്ന ആരോപണത്തിന് ബലംകൂട്ടുന്ന വിവരങ്ങൾ പുറത്തുവന്നു.
മുൻ പ്രതിപക്ഷ നേതാവ് രമേശ് ചെന്നിത്തല ചൂണ്ടിക്കാട്ടിയ ഒരു വിദേശ വ്യവസായി അന്വേഷണസംഘത്തിന് പ്രാഥമിക മൊഴി നൽകി.
ഇതോടെ രണ്ടുമാസത്തിലേറെയായി തുടരുന്ന ശബരിമല സ്വർണ്ണക്കൊള്ള അന്വേഷണത്തിൽ നിർണായക വഴിത്തിരിവ് ഉണ്ടായേക്കാമെന്ന സൂചനയാണ് ലഭിക്കുന്നത്.
500 കോടി രൂപയുടെ രാജ്യാന്തര പുരാവസ്തു കടത്താണ് ശബരിമല സ്വർണ്ണക്കൊള്ളയ്ക്ക് പിന്നിലെന്നായിരുന്നു രമേശ് ചെന്നിത്തലയുടെ ആരോപണം.
ഈ വിഷയത്തെക്കുറിച്ച് ഒരു മലയാളി വ്യവസായിക്ക് നേരിട്ടറിയാമെന്നും അദ്ദേഹം അന്വേഷണസംഘത്തെ അറിയിച്ചിരുന്നു.
ഇതിന്റെ അടിസ്ഥാനത്തിൽ എസ്ഐടി ആ വ്യവസായിയുമായി ഫോണിൽ ബന്ധപ്പെട്ടു.
2017 കാലഘട്ടത്തിൽ ശബരിമലയിലെ സ്വർണ്ണം ആവശ്യമുണ്ടോയെന്ന് അന്വേഷിച്ച് ചിലർ തന്നെ സമീപിച്ചിരുന്നുവെന്നും,
അവർ ഒരു പുരാവസ്തു കടത്ത് സംഘത്തിന്റെ ഭാഗമാണെന്നുമാണ് വ്യവസായി അന്വേഷണസംഘത്തോട് വെളിപ്പെടുത്തിയത്.
നേരിട്ട് മൊഴി നൽകുമ്പോൾ കൂടുതൽ വിശദാംശങ്ങൾ കൈമാറാൻ തയ്യാറാണെന്നും വ്യവസായി അറിയിച്ചിട്ടുണ്ട്.
ഇതോടെ ശബരിമല സ്വർണ്ണക്കൊള്ളയിൽ രാജ്യാന്തര പുരാവസ്തു കടത്ത് സംഘത്തിന് പങ്കുണ്ടോയെന്ന കാര്യത്തിൽ വിശദമായ അന്വേഷണം നടത്താൻ എസ്ഐടി തീരുമാനിച്ചു.
ശബരിമലയിൽ നിന്ന് കവർച്ച ചെയ്ത സ്വർണ്ണം എവിടേക്ക് പോയെന്നത് ഇതുവരെ കണ്ടെത്താൻ അന്വേഷണസംഘത്തിന് സാധിക്കാത്ത സാഹചര്യത്തിലാണ് ഈ പുതിയ വെളിപ്പെടുത്തലുകൾ.
അതേസമയം, സ്വർണ്ണക്കൊള്ളയിൽ തന്റെ പങ്കുണ്ടെന്ന ആരോപണത്തെ മുൻ ദേവസ്വം മന്ത്രി കടകംപള്ളി സുരേന്ദ്രൻ ശക്തമായി നിഷേധിച്ചു.
തനിക്കെതിരെ തെളിവുണ്ടെങ്കിൽ അത് കോടതിയിൽ ഹാജരാക്കാൻ പ്രതിപക്ഷ നേതാവ് വി.ഡി. സതീശനെ കടകംപള്ളി വെല്ലുവിളിച്ചു.
മുൻ ദേവസ്വം മന്ത്രിക്ക് സ്വർണ്ണക്കൊള്ളയിൽ പങ്കുണ്ടെന്നായിരുന്നു വി.ഡി. സതീശന്റെ ആരോപണം. ഇതിനെതിരെ കടകംപള്ളി നൽകിയ മാനനഷ്ടക്കേസ് നാളെ തിരുവനന്തപുരം കോടതിയിൽ പരിഗണിക്കും. കോടതിയിൽ തന്നെ തെളിവുകൾ ഹാജരാക്കണമെന്നതാണ് കടകംപള്ളിയുടെ വെല്ലുവിളി.
English Summary
New revelations in the Sabarimala gold theft case suggest the involvement of an international antiquities smuggling gang. A businessman named by former Opposition Leader Ramesh Chennithala has given a preliminary statement to the investigation team, claiming that members of a smuggling syndicate approached him in 2017 seeking Sabarimala gold. The SIT has decided to probe the angle in detail. Meanwhile, former Devaswom Minister Kadakampally Surendran challenged Opposition Leader V.D. Satheesan to produce evidence linking him to the case, as a defamation suit filed by Surendran will be heard in court tomorrow.
sabarimala-gold-theft-international-antiquities-smuggling-angle
Sabarimala Gold Theft, International Smuggling, Antiquities Racket, Ramesh Chennithala, Kadakampally Surendran, SIT Investigation, Kerala Politics, Devaswom Board
