ശബരിമല ദേവസ്വം ഭണ്ഡാരത്തിൽ മോഷണം; കിഴി തുറന്ന ജീവനക്കാരൻ അറസ്റ്റിൽ

ശബരിമല ദേവസ്വം ഭണ്ഡാരത്തിൽ മോഷണം; കിഴി തുറന്ന ജീവനക്കാരൻ അറസ്റ്റിൽ

പത്തനംതിട്ട: ശബരിമല സന്നിധാനത്തെ ദേവസ്വം ഭണ്ഡാരത്തിൽ നിന്ന് പണം മോഷ്ടിച്ച സംഭവത്തിൽ താൽക്കാലിക ജീവനക്കാരൻ അറസ്റ്റിൽ.

മണ്ഡല–മകരവിളക്ക് മഹോത്സവത്തോടനുബന്ധിച്ച് പുതിയ ഭണ്ഡാരത്തിലെ കിഴികളുടെ കെട്ടഴിക്കുന്ന ജോലിക്ക് നിയോഗിക്കപ്പെട്ട താൽക്കാലിക ജീവനക്കാരനാണ് പിടിയിലായത്.

സംസ്ഥാന സർക്കാരുമായി നിസ്സഹകരണത്തിനൊരുങ്ങി കേരള ഫിലിം ചേംബർ ഓഫ് കൊമേഴ്‌സ്: സർക്കാർ തിയേറ്ററുകൾക്ക് ജനുവരി മുതൽ സിനിമ നൽകില്ല

പ്രതി ആരാണ്

തൃശൂർ ശ്രീനാരായണപുരം വെമ്പനല്ലൂർ സ്വദേശിയായ രതീഷ് കെ.ആർ (43) ആണ് അറസ്റ്റിലായത്.

ഡ്യൂട്ടി കഴിഞ്ഞ് പുറത്തേക്ക് പോകുന്ന സമയത്ത് നടത്തിയ ദൈനംദിന പരിശോധനയിലാണ് സംശയാസ്പദമായി പിടിയിലായത്.

പരിശോധനയിൽ കണ്ടെത്തിയത്

ഭണ്ഡാരത്തിലെ പതിവ് പരിശോധനയ്ക്കിടെ രതീഷിന്‍റെ കൈയുറക്കുള്ളിൽ വെളുത്ത തുണിയിൽ ഒളിപ്പിച്ച നിലയിൽ 3,000 രൂപ കണ്ടെത്തി.

തുടർന്ന് ദേവസ്വം വിജിലൻസ് നടത്തിയ വിശദമായ അന്വേഷണത്തിലാണ് പ്രതിയുടെ ബാഗിൽ നിന്ന് അനധികൃതമായി സൂക്ഷിച്ചിരുന്ന 20,130 രൂപ കൂടി പിടിച്ചെടുത്തത്.

മാരത്തൺ എക്സ്പോയ്ക്കിടെ ബാങ്ക് ഉദ്യോഗസ്ഥനായ യുവാവ് കുഴഞ്ഞുവീണ് മരിച്ചു; സംഭവം തിരുവനന്തപുരത്ത്

ദേവസ്വം വിജിലൻസ് അന്വേഷണം

സംഭവത്തെ തുടർന്ന് ദേവസ്വം വിജിലൻസ് കേസ് രജിസ്റ്റർ ചെയ്ത് അന്വേഷണം ആരംഭിച്ചു.

ഭണ്ഡാരത്തിലെ സുരക്ഷയും പരിശോധനാ നടപടികളും കൂടുതൽ കർശനമാക്കുമെന്ന് ബന്ധപ്പെട്ട അധികൃതർ അറിയിച്ചു.

English Summary:

A temporary employee has been arrested for the stealing of money from the Sabarimala Devaswom hundi at the Sannidhanam. The accused, Ratheesh K.R. (43) from Thrissur district, was deployed for opening hundi bundles during the Mandala–Makaravilakku festival. During a routine check after the duty hours, officials found out ₹3,000 hidden in his glove, and a subsequent vigilance probe recovered an additional ₹20,130 from his bag. The Devaswom Vigilance has launched further investigation.