ആർഎസ്എസ് നേതാവ് പുന്നാട് അശ്വിനി കുമാറിനെ കൊലപ്പെടുത്തിയ കേസിൽ പ്രതികൾക്ക് തലശേരി അഡീഷനൽ സെഷൻസ് കോടതിയാണ് വിധി പറഞ്ഞത്. കഴിഞ്ഞ ദിവസം വാദം പൂർത്തിയായിരുന്നു. എൻഡിഎഫ് പ്രവർത്തകരായ 14 പേരാണ് പ്രതികൾ. ചാവശ്ശേരി സ്വദേശി മഷ്റൂഖ് മാത്രമാണ് കുറ്റക്കാരൻ എന്നാണ് കോടതി വിധിച്ചത്. 13 പ്രതികളെയും വെറുതെ വിട്ടു.

2005 മാർച്ച് പത്തിന് ആണ് അശ്വനികുമാർ വധിക്കപ്പെട്ടത്. പേരാവൂരിലേക്കു പോകുമ്പോൾ ഇരിട്ടിയിൽ ബസിനുള്ളിൽവച്ചാണ് വെട്ടിക്കൊലപ്പെടുത്തിയത്. പ്ര​തി​ക​ളി​ൽ നാ​ലു​പേ​ർ ബ​സി​നു​ള്ളി​ലുണ്ടായിരുന്നു. മ​റ്റു​ള്ള​വ​ർ ജീ​പ്പി​ലും എത്തിയാണ് കൊ​ല ന​ട​ത്തി​യ​ത്. വാ​ളു​കൊ​ണ്ടു വെ​ട്ടി​യും കുത്തിയുമാണ് കൊ​ല​പ്പെ​ടു​ത്തി​യ​തെ​ന്ന് കു​റ്റ​പ​ത്ര​ത്തി​ൽ പ​റ​യു​ന്നു.

ഒ​ന്നു​മു​ത​ൽ ഒ​ൻ​പ​തു​വ​രെ​യു​ള്ള പ്ര​തി​ക​ൾ​ക്കെ​തി​രേ കൊ​ല​ക്കു​റ്റ​മാണ് ചുമത്തിയത്. 10 മു​ത​ൽ 13 വ​രെ പ്ര​തി​ക​ൾ​ക്കെ​തി​രേ ഗൂ​ഢാ​ലോ​ച​ന കു​റ്റ​വും 13, 14 പ്ര​തി​ക​ൾ​ക്കെ​തി​രേ ബോം​ബ് എ​ത്തി​ച്ചു​ന​ൽ​കി​യ​തു​ൾ​പ്പെ​ടെ​യു​ള്ള കു​റ്റ​വു​മാ​ണ് ചു​മ​ത്തി​യി​ട്ടു​ള്ള​ത്. മാ​വി​ല വീ​ട്ടി​ൽ ല​ക്ഷ്മ​ണ​ൻറെ പ​രാ​തി പ്ര​കാ​ര​മാ​ണ് പോ​ലീ​സ് കേ​സെ​ടു​ത്ത​ത്.

2005 മാർച്ച് 10നാണ് കേസിനാസ്പദമായ സംഭവം നടന്നത്. സമൂ​ഹ മനസ്സാക്ഷിയെ ഞെട്ടിച്ച കേസായിരുന്നു. പേരാവൂരിലേക്കുള്ള ബസ് യാത്രയ്ക്കിടെ ഇരിട്ടി പയഞ്ചേരി മുക്കിൽ വച്ചാണ് അശ്വിനി കുമാറിനെ വെട്ടിക്കൊലപ്പെടുത്തിയത്.

സംഭവത്തിനു പിന്നാലെ കണ്ണൂർ ജില്ലയിൽ വ്യാപകമായ ആക്രമണങ്ങൾ അരങ്ങേറുകയും ചെയ്തു. ക്രൈംബ്രാഞ്ചാണ് കേസ് അന്വേഷിച്ചത്.

English summary : RSS leader Punnad Aswani kumar’s murder case ; only Mashrukh ,a native of Chavassery ,committed the crime ; 13 accused were acquitted