മലപ്പുറം: വിവാദമായ കലാമണ്ഡലത്തിലെ കൂട്ടപ്പിരിച്ചുവിടൽ റദ്ദാക്കി. 125 താത്കാലിക ജീവനക്കാരെ പിരിച്ചുവിടനായിരുന്നു ശ്രമ. ആലത്തൂർ എംപി കെ രാധാകൃഷ്ണനും മന്ത്രി സജി ചെറിയാനും തമ്മിൽ നടത്തിയ ചർച്ചയ്‌ക്ക് പിന്നാലെയാണ് കൂട്ടപ്പിരിച്ചുവിടൽ റദ്ദാക്കിയത്.
നടപടിയിൽ നിന്ന് പിന്മാറണമെന്നും ഉത്തരവ് രജിസ്ട്രാർ തിരുത്തണമെന്നും മന്ത്രി സജി ചെറിയാൻ നിർദ്ദേശം നൽകിയിട്ടുണ്ട്. നടപടി റദ്ദാക്കി കലാമണ്ഡലം രജിസ്ട്രാർ ഉത്തരവിറക്കിയിട്ടുണ്ട്.
125-ഓളം വരുന്ന താത്കാലിക അദ്ധ്യാപക- അനദ്ധ്യാപക ജീവനക്കാരെയാണ് പിരിച്ചുവിട്ടത്. സാമ്പത്തിക പ്രതിസന്ധിയെ തുടർന്നായിരുന്നു ഇത്തരമൊരു തീരുമാനം എടുത്തത്. ജീവനക്കാരുടെ ശമ്പളം മുടങ്ങുന്നത് പതിവായിരിക്കേ സാമ്പത്തിക ബാധ്യതയും സർക്കാർ സഹായമില്ലെന്നും ചൂണ്ടിക്കാട്ടിയായിരുന്നു വിവാദ നടപടി. ഇതിന് പിന്നാലെ പ്രതിഷേധം ശക്തമായിരുന്നു. കലാമണ്ഡലത്തിന്റെ നടത്തിപ്പിനെ തന്നെ ബാധിക്കുന്നതായിരുന്നു നടപടി. ഇതാണ് സർക്കാർ റദ്ദാക്കിയിരിക്കുന്നത്.
