1500 കുട്ടികളുടെ പേര് ഒറ്റ ചുരുളിൽ; ഇൻസ്റ്റാളേഷൻ കണ്ട് അമ്പരന്നവരും സ്വന്തം പേര് ഉണ്ടോ എന്ന് തപ്പി കണ്ണുതള്ളിയവരും
കൊച്ചി: രവി പിള്ള ഫൗണ്ടേഷന്റെ അക്കാദമിക് എക്സലൻസ് സ്കോളർഷിപ്പിന്റെ ഭാഗമായി ക്രാഫ്റ്റ് വില്ലേജ് ഒരുക്കിയ പ്രത്യേക ഇൻസ്റ്റാളേഷൻ സന്ദർശകരുടെ ശ്രദ്ധ പിടിച്ചുപറ്റി.
സ്കോളർഷിപ്പിന് അർഹത നേടിയ 1,500 കുട്ടികളുടെ പേരുകൾ മനോഹരമായി ആലേഖനം ചെയ്ത കൂറ്റൻ സർട്ടിഫിക്കറ്റ് ചുരുളിന്റെ (സ്ക്രോൾ) മാതൃകയിലാണ് ഈ കലാരൂപം ഒരുക്കിയിരിക്കുന്നത്.
അക്കാദമിക് മികവിന് നൽകുന്ന ഔദ്യോഗിക അംഗീകാരത്തിന്റെ ഗാംഭീര്യവും സൃഷ്ടിപരമായ അവതരണത്തിന്റെ സൗന്ദര്യവും ഒരുമിച്ച് ചേരുന്ന രീതിയിലാണ് ഇൻസ്റ്റലേഷന്റെ രൂപകൽപ്പന.
വർണ്ണാഭമായ ജ്യാമിതീയ രൂപങ്ങളും അലങ്കാര റിബണുകളും ഉപയോഗിച്ചാണ് ഈ കലാസൃഷ്ടി ഒരുക്കിയിരിക്കുന്നത്.
വലിയ സിലിണ്ടർ ആകൃതിയിൽ തയ്യാറാക്കിയ ഈ ഇൻസ്റ്റലേഷൻ, ഓരോ വിദ്യാർത്ഥിയുടെയും കഠിനാധ്വാനത്തിനും വിദ്യാഭ്യാസ നേട്ടങ്ങൾക്കും നൽകുന്ന വലിയ അംഗീകാരമായി മാറുന്നു.
പൊതുസ്ഥലങ്ങളിൽ ഇത്തരം നൂതന ഇൻസ്റ്റലേഷനുകൾ ഒരുക്കുന്നതിലൂടെ കുട്ടികളിൽ ആത്മവിശ്വാസവും പ്രചോദനവും വളർത്തുകയാണ് ക്രാഫ്റ്റ് വില്ലേജിന്റെ ലക്ഷ്യമെന്ന് സ്ഥാപനത്തിന്റെ ചീഫ് ഓപ്പറേറ്റിങ് ഓഫീസർ ടി.യു. ശ്രീപ്രസാദ് പറഞ്ഞു.
English Summary
Craft Village has created a special installation for the Ravi Pillai Foundation’s Academic Excellence Scholarship, featuring the names of 1,500 scholarship recipients on a large scroll-shaped structure. The colourful and creatively designed installation celebrates students’ academic achievements and aims to inspire and motivate children in public spaces.
ravi-pillai-foundation-academic-excellence-scholarship-craft-village-installation
Ravi Pillai Foundation, Academic Excellence Scholarship, Craft Village, student achievement, education initiative, scholarship news, creative installation, Kerala education, student recognition
