ബംഗളൂരുവിൽ പ്രമുഖ സെലിബ്രിറ്റികൾ ഉൾപ്പെടെ പങ്കെടുത്ത റേവ് പാർട്ടിക്കിടെ നടന്ന റെയ്‌ഡിൽ താരങ്ങൾ അടക്കം കസ്റ്റഡിയിലായെന്ന് സൂചന. ബംഗളൂരു ഇലക്ട്രോണിക് സിറ്റിക്ക് സമീപം ഫാം ഹൗസിൽ 30 ലക്ഷത്തോളം രൂപ മുടക്കി നടന്ന പാർട്ടിക്കിടെയാണ് അപ്രതീക്ഷിത റെയ്‌ഡുണ്ടായത്. സെൻട്രൽ ക്രൈംബ്രാഞ്ച് നടത്തിയ പരിശോധനയിലാണ് താരങ്ങൾ ഉൾപ്പെടെ അറസ്റ്റിലായത്.
പുലർച്ചെ മൂന്നിനായിരുന്നു സി.സി.ബി.യുടെ റെയ്ഡ്. പിറന്നാളാഘോഷത്തിൻ്റെ ഭാഗമായി സംഘടിപ്പിച്ച പാർട്ടിക്ക് പുലർച്ചെ രണ്ട് വരെയാണ് അനുമതി ലഭിച്ചിരുന്നത്. ഈ സമയം കഴിഞ്ഞും ആഘോഷം നീണ്ടതോടെയാണ് സി.സി.ബി.യുടെ മയക്കുമരുന്ന് വിരുദ്ധ സ്ക്വാഡ് സ്ഥലത്ത് പരിശോധന നടത്തിയത്. 20 ൽ അധികം ആഡംബര കാറുകളും പോലീസ് പിടിച്ചെടുത്തു. പാർട്ടിയുമായി ബന്ധപ്പെട്ട് രാഷ്ട്രീയ ബന്ധങ്ങളും പുറത്തു വരുമെന്ന് സൂചനയുണ്ട്.
