യുഡിഎഫ് മുന്നേറ്റത്തിന് പിന്നാലെ പ്രതികരണവുമായി രാഹുൽ മാങ്കൂട്ടത്തിൽ: ‘ജനം കാണേണ്ടത് കാണും’
പാലക്കാട്: തദ്ദേശ തെരഞ്ഞെടുപ്പിൽ യുഡിഎഫ് ശക്തമായ മുന്നേറ്റം കാഴ്ചവെച്ചതിന് പിന്നാലെ പാലക്കാട് എംഎൽഎ രാഹുൽ മാങ്കൂട്ടത്തിൽ പ്രതികരണവുമായി രംഗത്തെത്തി.
“ജനം പ്രബുദ്ധരാണ്; എത്ര ബഹളം വെച്ചാലും അവർ കേൾക്കേണ്ടത് കേൾക്കുക തന്നെ ചെയ്യും,” എന്നാണ് രാഹുൽ വ്യക്തമാക്കിയത്. ഫേസ്ബുക്ക് കുറിപ്പിലൂടെയായിരുന്നു പ്രതികരണം.
കുന്നത്തൂർമേട് വാർഡിലും കോൺഗ്രസിന് ജയം
രാഹുൽ മാങ്കൂട്ടത്തിൽ വോട്ട് ചെയ്ത കുന്നത്തൂർമേട് വാർഡിൽ കോൺഗ്രസ് വിജയിച്ചു. കോൺഗ്രസ് സ്ഥാനാർത്ഥി പ്രശോഭ് എട്ട് വോട്ടിന്റെ ഭൂരിപക്ഷത്തിനാണ് ജയിച്ചത്.
15 ദിവസത്തെ ഒളിവ് ജീവിതത്തിന് ശേഷമാണ് രാഹുൽ കുന്നത്തൂർമേട് ബൂത്തിലെത്തി വോട്ട് ചെയ്തത്.
വോട്ടെടുപ്പ് ദിനത്തിലെ സ്വീകരണം
പാർട്ടിയിൽ നിന്ന് പുറത്താക്കിയിരുന്ന സാഹചര്യത്തിലായിരുന്നെങ്കിലും, വോട്ട് ചെയ്യാനെത്തിയ രാഹുൽ മാങ്കൂട്ടത്തിലിനെ പ്രവർത്തകർ പൂക്കളുമായി സ്വീകരിച്ചു.
ഫേസ്ബുക്ക് കുറിപ്പിന്റെ പൂർണരൂപം
ജനം പ്രബുദ്ധരാണ്..
എത്ര ബഹളം വെച്ചാലും അവർ കേൾക്കേണ്ടത് അവർ കേൾക്കുക തന്നെ ചെയ്യും….
എത്ര മറച്ചാലും അവർ കാണേണ്ടത് അവർ കാണുക തന്നെ ചെയ്യും….
English Summary:
Following the UDF’s strong performance in the local body elections in Palakkad, Palakkad MLA Rahul Mankootathil responded, stating that people are discerning and will hear and see what truly matters despite any noise. He shared the reaction on Facebook. Congress also won the Kunnathurmedu ward where Rahul cast his vote after 15 days in hiding, with candidate Prashobh winning by eight votes. Party workers welcomed Rahul when he arrived to vote.
