കൊട്ടാരക്കരയിൽ കോൺഗ്രസിന് പ്രഹരം; യുഡിഎഫ് മുൻ സ്ഥാനാർത്ഥി ആർ. രശ്മി ബിജെപിയിൽ ചേർന്നു
തിരുവനന്തപുരം: മഹിളാ കോൺഗ്രസ് നേതാവും 2021ലെ നിയമസഭാ തിരഞ്ഞെടുപ്പിൽ കൊട്ടാരക്കര മണ്ഡലത്തിൽ യുഡിഎഫ് സ്ഥാനാർഥിയുമായിരുന്ന ആർ. രശ്മി ബിജെപിയിൽ ചേർന്നു.
മാരാർജി ഭവനിൽ നടന്ന ചടങ്ങിൽ ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖറിൽ നിന്നാണ് അവർ അംഗത്വം സ്വീകരിച്ചത്.
സിപിഎം വിട്ട് കോൺഗ്രസിലെത്തിയ ആയിഷ പോറ്റിയെ കൊട്ടാരക്കരയിൽ സ്ഥാനാർഥിയാക്കുന്നതിനെതിരെ ഉണ്ടായ അസന്തോഷമാണ് രശ്മിയുടെ പാർട്ടി വിടലിന് കാരണമെന്നാണ് സൂചന.
കഴിഞ്ഞ തിരഞ്ഞെടുപ്പിൽ മത്സരിച്ച രശ്മി ഇത്തവണയും സീറ്റ് പ്രതീക്ഷിച്ചിരുന്നു. എന്നാൽ അപ്രതീക്ഷിതമായി ആയിഷ പോറ്റി കോൺഗ്രസിൽ ചേർന്നതോടെ രശ്മി പാർട്ടി നേതൃത്വത്തിന് മുന്നിൽ ചില നിബന്ധനകൾ മുന്നോട്ടുവെച്ചിരുന്നു.
കഴിഞ്ഞ തിരഞ്ഞെടുപ്പിൽ ഉണ്ടായ സാമ്പത്തിക ബാധ്യത പാർട്ടി ഏറ്റെടുക്കണമെന്നും യുഡിഎഫ് അധികാരത്തിലെത്തുകയാണെങ്കിൽ ബോർഡ് അല്ലെങ്കിൽ കോർപ്പറേഷൻ പദവികളിൽ ഏതെങ്കിലും നൽകണമെന്നും അവർ ആവശ്യപ്പെട്ടതായി റിപ്പോർട്ടുണ്ട്.
ഈ ആവശ്യങ്ങൾ അംഗീകരിക്കാതിരുന്നതോടെ രശ്മി കോൺഗ്രസ് വിട്ട് ബിജെപിയിൽ ചേർന്നതാണെന്നാണ് വിവരം.
ജില്ലാ പഞ്ചായത്ത് അംഗമായിരുന്ന രശ്മി 2021ലെ നിയമസഭാ തിരഞ്ഞെടുപ്പിൽ കെ.എൻ. ബാലഗോപാലിനെതിരെ യുഡിഎഫ് സ്ഥാനാർഥിയായി മത്സരിച്ചിരുന്നു.
English Summary:
Former Mahila Congress leader and 2021 UDF candidate from Kottarakkara, R. Rashmi, has joined the BJP. Reports suggest she left Congress after disagreements over candidate selection and unmet demands related to election expenses and positions.
r-rashmi-joins-bjp
R Rashmi, BJP Kerala, Congress Kerala, Kottarakkara, Kerala Politics, Rajeev Chandrasekhar, Party Switch
