ഗുവാഹത്തി: ലൈവ് ആയി നടക്കുന്ന സംഗീത പരിപാടിയുടെ വേദിയില് കോഴിയുടെ കഴുത്തറുത്ത് കൊന്ന് ചോര കുടിച്ച റെഗ്ഗെ ഗായകനെതിരെ കേസെടുത്തു. കോൻ വായ് സണിനെതിരെയാണ് അരുണാചല്പ്രദേശ് പൊലീസ് കേസ് രജിസ്റ്റർ ചെയ്തത്. കഴിഞ്ഞ മാസം 27ന് ഇറ്റാനഗറിലെ ഫുജിനില് വച്ചായിരുന്നു സംഭവം.(publicly slitting throat of chicken, drinking its blood on stage; case against singer)
മൃഗങ്ങളോടുള്ള ക്രൂരത തടയല് നിയമപ്രകാരമാണ് ഗായകനെതിരെ നടപടിയെടുത്തത്. ലോകമെമ്പാടും പ്രവർത്തിക്കുന്ന മൃഗസംരക്ഷണ സംഘടനയായ പീപ്പിൾ ഫോർ എത്തിക്കൽ ട്രീറ്റ്മെൻ്റ് ഓഫ് ആനിമൽസ് (പെറ്റ) ഇന്ത്യ നൽകിയ പരാതിയുടെ അടിസ്ഥാനത്തിലാണ് പൊലീസ് എഫ്ഐആർ ഫയൽ ചെയ്തത്. സംഭവത്തിൻ്റെ വീഡിയോ സോഷ്യൽ മീഡിയയിൽ വൈറലായതിന് പിന്നാലെ കലാകാരനെതിരെ വിമര്ശനങ്ങള് ഉയർന്നിരുന്നു.
