ചാൾസ് രാജാവിൻ്റെ സഹോദരപുത്രിയും ബ്രിട്ടീഷ് രാജകുമാരിയുമായ ബിയാട്രീസ് രണ്ടാമത്തെ കുഞ്ഞിന് ജന്മം നൽകിയതായി ബക്കിംഗ്ഹാം കൊട്ടാരം അറിയിച്ചു. അഥീന എന്ന് പേരിട്ടിരിക്കുന്ന കുഞ്ഞ് ജനിച്ചത് മാസം തികയാതെയായിരുന്നുവെന്നും കുഞ്ഞും അമ്മയും സുഖമായിരിക്കുന്നുവെന്നും കൊട്ടാരം അറിയിച്ചു. Princess Beatrice has given birth to her second child
ബിയാട്രീസിന്റെയും ഭർത്താവ് എഡോർഡോ മാപ്പെല്ലി മോസിയുടെയും രണ്ടാമത്തെ കുട്ടിയായ കുഞ്ഞ് ജനുവരി 22 ന് ലണ്ടനിലെ ചെൽസി ആൻഡ് വെസ്റ്റ്മിൻസ്റ്റർ ആശുപത്രിയിൽ ആണ് ജനിച്ചത്. ബുധനാഴ്ച ഉച്ചയ്ക്ക് 12.57 ന് ജനിച്ച കുഞ്ഞിന്റെ മുഴുവൻ പേര് അഥീന എലിസബത്ത് റോസ് മാപ്പെല്ലി മോസി എന്നാണ് ബക്കിംഗ്ഹാം കൊട്ടാരത്തിൽ നിന്നുള്ള ഒരു പ്രസ്താവനയിൽ പറഞ്ഞത്.
കുഞ്ഞിന്റെ ഭാരം 4 പൗണ്ടും 5 ഔൺസും ആയിരുന്നുവെന്ന് ബക്കിംഗ്ഹാം കൊട്ടാരം അറിയിച്ചു. ബിയാട്രീസ് സിംഹാസനത്തിന്റെ ഒമ്പതാമത്തെ അവകാശിയും ആൻഡ്രൂ രാജകുമാരൻ്റെയും യോർക്കിലെ ഡച്ചസ് സാറയുടെയും മൂത്ത മകളുമാണ്. കുഞ്ഞിന്റെ സുരക്ഷിതമായ വരവിൽ രാജാവും രാജ്ഞിയും രാജകുടുംബത്തിലെ മറ്റ് അംഗങ്ങളും സന്തോഷിക്കുന്നതായി കൊട്ടാരം അറിയിച്ചു.
