ന്യൂഡല്ഹി: വയനാട്ടിലെ ദുരന്തഭൂമിയിൽ പ്രധാനമന്ത്രി നരേന്ദ്ര മോദി സന്ദര്ശനം നടത്തും. ശനിയാഴ്ചയോ, ഞായറാഴ്ചയോ ആയിരിക്കും സന്ദര്ശനമെന്നാണ് പുറത്തു വരുന്ന വിവരം. ഡല്ഹിയില് നിന്നും പ്രത്യേക വിമാനത്തില് കണ്ണൂര് വിമാനത്താവളത്തില് ഇറങ്ങിയ ശേഷം ഹെലികോപ്റ്ററിലായിരിക്കും നരേന്ദ്രമോദി വയനാട്ടിൽ എത്തുക.(Prime Minister to wayanad; Will visit the camps)
മോദി വരുന്നത് പ്രമാണിച്ചുള്ള പരിശോധനകളുടെ ഭാഗമായി എസ്പിജി സംഘം വയനാട്ടിലെത്തി പരിശോധന ആരംഭിച്ചിരുന്നു. ദുരന്തബാധിത മേഖലയില് എത്തുന്ന മോദി ദുരിതാശ്വാസ ക്യാംപുകളും സന്ദര്ശിക്കും. ദേശീയ ദുരന്തമായി പ്രഖ്യാപിക്കണമെന്ന സംസ്ഥാന സര്ക്കാരിന്റെ ആവശ്യത്തിന് മേല് മോദി സുപ്രധാന പ്രഖ്യാപനം ഉണ്ടായേക്കാം.
പ്രധാനമന്ത്രി നരേന്ദ്ര മോദി വയനാട് സന്ദര്ശിച്ചേക്കുമെന്ന് ഗവര്ണര് ആരിഫ് മുഹമ്മദ് ഖാന് കഴിഞ്ഞ ദിവസം മാധ്യമങ്ങളോട് പറഞ്ഞിരുന്നു. ഇക്കാര്യത്തില് അന്തിമതീരുമാനം ഉചിത സമയത്തുണ്ടാകുമെന്നായിരുന്നു മോദിയുമായി കൂടിക്കാഴ്ച നടത്തിയ ശേഷം അദ്ദേഹം പറഞ്ഞത്.
പോലീസിന്റെ ആ നീക്കം പാളി; കെ കെ അനീഷ്കുമാറിനെ സ്ഥിരം കുറ്റവാളിയാക്കിയ കേസ് റദ്ദാക്കി കോടതി
