ചെന്നൈ: ട്രെയിനിൽ നിന്ന് വീണ് ഗർഭിണിയായ യുവതി മരിച്ചു. ചെന്നൈ– എഗ്മൂർ– കൊല്ലം എക്സ്പ്രസിൽ യാത്ര ചെയ്ത യുവതിയാണ് മരിച്ചത്. വിരുദാചലത്തിനു സമീപമായിരുന്നു അപകടം. ശുചിമുറിയിലേക്കുപോയ യുവതി പുറത്തേക്കു വീണാണ് മരണം സംഭവിച്ചത്.
ശുചിമുറിയിലേക്ക് നടന്നുപോകവെ ഛർദിക്കാൻ തോന്നിയ യുവതി വാതിലിനരികിൽ നിന്നും ഛർദിക്കുന്നതിനിടെ പുറത്തേക്ക് തെറിച്ചു വീഴുകയായിരുന്നു എന്നാണ് വിവരം. സംഭവത്തിൽ ദക്ഷിണ റെയിൽവേ അന്വേഷണം ആരംഭിച്ചു. യുവതിയുടെ വളകാപ്പ് ചടങ്ങ് ഇന്ന് നടക്കാനിരിക്കെയാണ് ദാരുണ സംഭവം നടന്നത്.
Read Also: കല്യാണ്‍ ജുവലേഴ്സില്‍ എയര്‍ കണ്ടീഷണര്‍ പൊട്ടിത്തെറിച്ച്‌ അപകടം; 3 പേര്‍ക്ക് ഗുരുതര പരിക്ക്
