റിയാദ്: പ്രവാസി മലയാളി യുവാവ് റിയാദിൽ മരിച്ചു. കോഴിക്കോട് ഏലത്തൂര് പുതിയനിറത്തു വെള്ളറക്കട്ടു സ്വദേശി മുഹമ്മദ് ഷെബീര് (27) ആണ് മരിച്ചത്. നാട്ടിലേക്ക് മടങ്ങാന് മണിക്കൂറുകള് മാത്രം ബാക്കി നില്ക്കെയാണ് മരണം സംഭവിച്ചത്.
വെള്ളിയാഴ്ച രാത്രി നാട്ടിലേക്ക് പോകാൻ പോകാന് ടിക്കറ്റെടുത്ത് യാത്രക്ക് വേണ്ടിയുള്ള ഒരുക്കങ്ങള് പൂര്ത്തികരിക്കുന്നതിനിടെയാണ് സംഭവം. ശാരീരിക അസ്വസ്ഥതകള് ഉള്ള ഷെബീർ നാട്ടിൽ ചികിത്സ തേടാനായി യാത്രക്കൊരുങ്ങിയതാണ്.
എന്നാൽ യാത്രക്ക് മണിക്കൂറുകൾ മുൻപ് ആണ് ഷെബീർ മരണപ്പെട്ടത്. പരേതരായ മുസ്തഫ, സുഹ്റ എന്നിവരാണ് മാതാപിതാക്കള്. മൃതദേഹം നാട്ടിലയക്കാനുള്ള നടപടിക്രമങ്ങള് നടക്കുകയാണ്.
റിയാദ് കെ.എം.സി.സി മലപ്പുറം ജില്ല വെല്ഫെയര് വിങ് ചെയര്മാന് റഫീഖ് ചെറുമുക്ക്, ജനറല് കണ്വീനര് റിയാസ് ചിങ്ങത്ത്, നസീര് കണ്ണീരി, കോഴിക്കോട് ജില്ലാ കെ.എം.സി.സി വെല്ഫെയര് വിങ് ചെയര്മാന് അലി അക്ബര്, റാഷീദ് ദയ എന്നിവരുടെ നേതൃത്വത്തില് നടപടിക്രമങ്ങള് പൂര്ത്തീകരിക്കും.
