‘ധര്മദ്രോഹി, ചാപ്രി, കറുമ്പന്’; പ്രദീപ് രംഗനാഥനെതിരെ സൈബർ ആക്രമണം
തമിഴ് സിനിമയിലെ ഏറ്റവും ട്രെൻഡിങ് നടനായി നിലവിൽ മാറിയിരിക്കുന്നത് പ്രദീപ് രംഗനാഥൻ ആണ്. സംവിധായകനായി സിനിമയിലെത്തിയ പ്രദീപ് പിന്നീട് നായകനായെത്തിയ ചിത്രങ്ങളിലൂടെ വൻ വിജയമാണ് കൈവരിച്ചത്.
തുടർച്ചയായി രണ്ട് സിനിമകൾ നൂറുകോടി ക്ലബ്ബിലെത്തിച്ച താരം, അവസാനമായി പുറത്തിറങ്ങിയ ‘ഡ്യൂഡ്’ എന്ന ചിത്രത്തിന്റെ പ്രമോഷനുമായി കേരളത്തിലെത്തിയപ്പോഴുള്ള ഒരു പരാമർശമാണ് ഇപ്പോൾ വിവാദമായിരിക്കുന്നത്.
കേരള സന്ദർശനത്തിനിടെ, “കേരള ഫുഡ് കഴിക്കുമോ” എന്ന ചോദ്യത്തിന് മറുപടിയായി “തീർച്ചയായും ട്രൈ ചെയ്യും, പൊറോട്ടയും ബീഫും കഴിക്കണമെന്ന് ആഗ്രഹമുണ്ട്” എന്നാണ് പ്രദീപ് പറഞ്ഞത്.
ഈ വാക്കുകളാണ് സോഷ്യൽ മീഡിയയിൽ വ്യാപക ചർച്ചയ്ക്കും കടുത്ത വിമർശനങ്ങൾക്കും വഴിവച്ചത്.
‘സനാതൻ കന്നഡ’ എന്ന എക്സ് (ട്വിറ്റർ) അക്കൗണ്ടിൽ നിന്നുള്ള ഒരു പോസ്റ്റാണ് വിവാദത്തിന് തുടക്കമിട്ടത്.
ജാതി അധിക്ഷേപം ഉൾപ്പെടെയുള്ള വാക്കുകൾ ഉപയോഗിച്ച് പ്രദീപിനെ വിമർശിക്കുകയും, ഹിന്ദു വികാരം വ്രണപ്പെടുത്തിയെന്ന ആരോപണവുമായി അദ്ദേഹത്തിന്റെ വരാനിരിക്കുന്ന ചിത്രങ്ങൾ ബഹിഷ്കരിക്കണമെന്ന ആഹ്വാനവും പോസ്റ്റിൽ ഉണ്ടായിരുന്നു.
ഇതിന് പിന്നാലെ, പ്രദീപിനെതിരെ രൂക്ഷമായ സൈബർ ആക്രമണമാണ് നടന്നത്.
നടന്റെ നിറം, രൂപം എന്നിവയെ അധിക്ഷേപിച്ചും, അദ്ദേഹം ആദ്യമായി സംവിധാനം ചെയ്ത ചിത്രത്തിലെ ഒരു വിവാദ രംഗം ചൂണ്ടിക്കാട്ടിയും നിരവധി അപമാനകരമായ കമന്റുകൾ പ്രത്യക്ഷപ്പെട്ടു.
അതേസമയം, ഈ ആക്രമണങ്ങളെ വിമർശിച്ചും പ്രദീപ് രംഗനാഥനെ പിന്തുണച്ചും വലിയ തോതിൽ പ്രതികരണങ്ങൾ ഉയർന്നു.
ഇന്ത്യയിൽ ഏറ്റവും കൂടുതൽ ബീഫ് കയറ്റുമതി നടക്കുന്നത് ഉത്തർപ്രദേശിൽ നിന്നാണെന്ന വിവരവുമായി ബന്ധപ്പെട്ട ഒരു ChatGPT സ്ക്രീൻഷോട്ട് പങ്കുവച്ച കമന്റും വ്യാപക ശ്രദ്ധ നേടി.
അഭിപ്രായ സ്വാതന്ത്ര്യത്തിന്റെ പേരിൽ നടനെ ആക്രമിക്കുന്നത് തെറ്റാണെന്നും ഭക്ഷണ തിരഞ്ഞെടുപ്പ് വ്യക്തിപരമാണെന്നും നിരവധി പേർ പ്രതികരിച്ചു.
‘ഇത്തരത്തിലുള്ള ചാപ്രി (ജാതി അധിഷ്ടിത അധിക്ഷേപം) നടന്മാരെ ഒരിക്കലും പിന്തുണക്കരുത്. ഹിന്ദുക്കളുടെ വികാരത്തെ വ്രണപ്പെടുത്തുന്ന എല്ലാവരെയും ഒറ്റപ്പെടുത്തണം.
ഈ ധര്മദ്രോഹിയുടെ വരാനിരിക്കുന്ന സിനിമ ബഹിഷ്കരിക്കണം’ എന്നാണ് സനാതന് കന്നഡ എന്ന ഏക്സ് ഹാന്ഡില് പോസ്റ്റ് ചെയ്തത്.
പിന്നാലെ പോസ്റ്റിന് താഴെ പ്രദീപിനെതിരെ രൂക്ഷവിമര്ശനവുമായി കമന്റുകള് വന്നു. പ്രദീപിന്റെ നിറത്തിനെയും രൂപത്തിനെയും വിമര്ശിച്ചും പ്രദീപ് ആദ്യമായി സംവിധാനം ചെയ്ത സിനിമയിലെ കുട്ടി ഹോമകുണ്ഡത്തില് മൂത്രമൊഴിക്കുന്ന സീനിനെ പരാമര്ശിച്ചും കമന്റുകള് വന്നു.
എന്നാല് പോസ്റ്റിനെ വിമര്ശിച്ചും രംഗനാഥനെ പിന്തുണച്ചും ഒട്ടേറെ കമന്റുകളും പ്രത്യക്ഷപ്പെട്ടു. ഇന്ത്യയില് ഏറ്റവും ബീഫ് കയറ്റുമതി ചെയ്യുന്നത് യുപിയില് നിന്നാണെന്ന ചാറ്റ് ജിപിറ്റി സ്ക്രീന്ഷോട്ട് കമന്റിനും വന് പിന്തുണയുണ്ട്.
English Summary
Tamil actor-director Pradeep Ranganathan is facing severe online backlash after stating during a Kerala visit that he would like to try porotta and beef. His remark triggered cyber abuse and boycott calls from right-wing social media handles, while many others defended him, stressing personal freedom and condemning the hate campaign.
pradeep-ranganathan-porotta-beef-remark-controversy
Pradeep Ranganathan, Tamil cinema, cyber attack, porotta beef controversy, Kerala visit, social media backlash
