മലപ്പുറം: സ്കൂട്ടർ യാത്രികനെ ഇടിച്ചിട്ട ശേഷം നിർത്താതെ പോയ ബസ് കസ്റ്റഡിയിലെടുത്ത് പോലീസ്. മലപ്പുറം എടപ്പാളിൽ ആലുവ-കോഴിക്കോട് റൂട്ടിലോടുന്ന കെഎസ്ആർടിസി ബസാണ് ചങ്ങരംകുളം പൊലീസ് കസ്റ്റഡിയിലെടുത്തത്.
സിഐ ഷൈനിൻറെ നേതൃത്വത്തിലുള്ള അന്വേഷണ സംഘം ആലുവ ഡിപ്പോയിലെത്തി ബസ് കസ്റ്റഡിയിലെടുക്കുകയായിരുന്നു. കേസിനാസ്പദമായ സംഭവം നടന്നത് ഈ മാസം 10 ന് വൈകുന്നേരം 5 മണിയോടെയായിരുന്നു.
കുറ്റിപ്പുറം -തൃശൂർ സംസ്ഥാന പാതയിൽ എടപ്പാൾ കണ്ണഞ്ചിറ ഇറക്കത്തിൽ വെച്ചാണ് ബസ് സ്കൂട്ടർ യാത്രികനെ ഇടിച്ചത്. കുഞ്ഞാലി എന്നയാൾക്കാണ് അപകടത്തിൽ പറുക്കേറ്റത്. ഇയാളെ ഇടിച്ച ശേഷം ബസ് നിർത്താതെ മുന്നോട് പോകുകയായിരുന്നു.
അപകടത്തിൽ പരിക്കേറ്റ കുഞ്ഞാലി (70) തൃശൂരിലെ സ്വകാര്യ ആശുപത്രിയിൽ ചികിത്സയിൽ കഴിയുകയാണ്. ഇയാളുടെ സ്ഥിതി നിലവിൽ അതീവ ഗുരുതരമാണ്.
