പരിയാരം: പ്രായപൂർത്തിയാകാത്ത കുട്ടി ഓട്ടോറിക്ഷ ഓടിച്ച സംഭവത്തിൽ ആർ.സി. ഉടമയ്‌ക്കെതിരേ കേസെടുത്ത് പോലീസ്. ബത്താലീരകത്ത് വീട്ടിൽ ബി.എ. അബ്ദുൾറഷീദി(44)ന്റെ പേരിലാണ് പരിയാരം പോലീസ് കേസെടുത്തത്. 55,000 രൂപ പിഴയായി ഈടാക്കും.
ഇന്നലെ വൈകുന്നേരം 4.30ന് പെട്രോളിങ്ങിനിടെ പരിയാരം എസ്.എച്ച്.ഒ എം.പി. വിനീഷ്‌കുമാറാണ് പിലാത്തറ എസ്.ബി.ഐ എ.ടി.എമ്മിന് സമീപത്തുവച്ച് ഓട്ടോറിക്ഷ ഓടിക്കുന്ന കുട്ടിയെ പിടികൂടിയത്. ഓട്ടോറിക്ഷ പോലീസ് കസ്റ്റഡിയിലെടുത്തിരുന്നു. പിലാത്തറ എസ്.ബി.ഐ എ.ടി.എമ്മിന് സമീപത്തുവെച്ച് കെ.എൽ-59 ബി-3587 ഓട്ടോറിക്ഷ ഓടിക്കുന്ന കുട്ടിയെ പിടികൂടിയത്.
