പാലക്കാട്: പൊലീസ് ജീപ്പ് കടയിലേക്ക് ഇടിച്ചുകയറി എസ്ഐയ്‌ക്കു പരിക്ക്. എസ്ഐ ശിവദാസനാണ് പരിക്കേറ്റത്. ഇദ്ദേഹത്തിന്റെ അരക്കെട്ടിനു പൊട്ടലുണ്ട്. അപകടത്തിൽ ജീപ്പിൻ്റെയും കടയുടെയും മുൻഭാഗം തകർന്നു.(Police jeep rammed into shop in palakkad)
രാത്രികാല പരിശോധനയുടെ ഭാഗമായി മണ്ണാർക്കാട് പോയി തിരിച്ചുവരുന്ന വഴിയിൽ ഇന്നു പുലർച്ചെ ഒന്നരയോടെ നായടിപ്പാറയിൽ വച്ചായിരുന്നു അപകടം നടന്നത്. പരിക്കേറ്റ എസ്‌ഐയെ വട്ടമ്പലത്തെ സ്വകാര്യ ആശുപത്രിയിൽ പ്രവേശിപ്പിച്ചു. രണ്ടു പേരായിരുന്നു ജീപ്പിലുണ്ടായിരുന്നത്. ഡ്രൈവർ ഷമീർ പരിക്കേൽക്കാതെ രക്ഷപ്പെട്ടു.
റോഡിൽ കിടന്ന മരക്കൊമ്പ് കിടക്കുന്നത് കണ്ട് വെട്ടിച്ചതോടെ സമീപത്തെ കടയിലേക്ക് നിയന്ത്രണം വിട്ട് കയറുകയായിരുന്നെന്ന് പൊലീസ് അറിയിച്ചു.
Read Also: നെയ്യാറ്റിൻകര എംഎസിടി കോടതി അലമാരയിൽ ഫയലുകൾക്കിടയിൽ താമസമാക്കി പറക്കും പാമ്പ് !
Read Also: പശു തിന്ന റോളക്സ് വാച്ച് തിരികെ ലഭിച്ചു, 50 വർഷത്തിന് ശേഷം ! അത്ഭുതപ്പെട്ട് കർഷകൻ
