വയനാട്ടിൽ കിറ്റുകൾ കണ്ടെത്തിയ സംഭവത്തിൽ കേസ്സെടുത്ത് പോലീസ്. വയനാട് തെക്കുംതറയിൽ കിറ്റ് കണ്ടെത്തിയ സംഭവത്തിലാണ് പൊലീസ് കേസ്സെടുത്ത് എഫ്ഐആർ ഇട്ടത്. സംഭവത്തിൽ ബിനീഷ് ചക്കരയെന്ന വ്യക്തിയെ കൽപ്പറ്റ പൊലീസ് പ്രതിചേർത്തിട്ടുണ്ട്. പരിശോധനയിൽ തെക്കുംതറയിലെ ബിജെപി പ്രവർത്തകൻ വി.കെ.ശശിയുടെ വീട്ടിൽ നിന്ന് 150 ൽ അധികം കിറ്റുകൾ കണ്ടെടുത്തിരുന്നു. എന്നാൽ ഇയാളെ കേസിൽ പ്രതിചേർത്തിട്ടില്ല എന്നാണറിവ്. പ്രതി ചേർത്ത ബിനീഷ് 2500 കിറ്റുകൾ ഓഡർ ചെയ്തെന്നും 2426 കിറ്റുകൾ വോട്ടർമാർക്ക് നൽകിയെന്നും എഫ്ഐആറിലുണ്ട്.
നേരത്തെ, 2500 കിറ്റുകൾ കൽപ്പറ്റയിലെ ഒരു മൊത്തവ്യാപാര കടയിൽ നിന്ന് ബിനീഷ് ഓർഡർ ചെയ്തതതായി പൊലീസ് FIR ലുണ്ട്. ഇതിൽ 2426 കിറ്റുകൾ വോട്ടർമാർക്ക് നൽകിയെന്നും പൊലീസ് കണ്ടെത്തിയ സാഹചര്യത്തിലാണ് ഇയാളെ പ്രതിചേർത്തത്.
