കൊച്ചി: കുന്നത്തുനാട് പഞ്ചായത്ത് വൈസ് പ്രസി‍ഡൻറിനെ ഭീഷണിപ്പെടുത്തിയെന്ന പരാതിയിൽ പി. വി. ശ്രീനിജിൻ എംഎൽഎയ്ക്കെതിരെ കേസെടുത്ത് പോലീസ്. കുന്നത്തുനാട് പോലീസാണ് കേസെടുത്തത്.
പഞ്ചായത്ത് സ്റ്റാൻഡിംഗ് കമ്മറ്റി യോഗത്തിനിടെ എംഎൽഎ അടക്കം പത്ത് പ്രതികൾ അതിക്രമിച്ചു കയറി ഭീഷണിപ്പെടുത്തിയെന്നും പുലഭ്യം പറഞ്ഞെന്നും ഓഫീസിന് പുറത്ത് നിർത്തിയിട്ട പരാതിക്കാരൻറെ കാറിൻറെ കണ്ണാടി അടുച്ചു തകർത്തുവെന്നുമാണ് എഫ്ഐആർ.
കോലഞ്ചേരി മജിസ്ട്രേറ്റ് കോടതിയുടെ നിർദേശപ്രകാരമാണ് ശ്രീനിജിനെയും പ്രതി ചേർത്തത്. കഴിഞ്ഞ ഡിസംബർ 21നായിരുന്നു കേസിനാസ്പദമായ സംഭവം.
