പീരുമേട്: ആറു മാസം പ്രായമായ കൈക്കുഞ്ഞുമായി കുടുംബം രാത്രിയിൽ കെഎസ്ഇബി ഓഫിസിന്റെ പടിക്കൽ കുത്തിയിരിപ്പ് സമരം നടത്തി.
പാമ്പനാർ ചിദംബരം സ്വദേശി ജയിംസ് (70), ഭാര്യ ഡെയ്സി (68), മകൾ രഞ്ജിനി (36), ആറു മാസം പ്രായമായ കുഞ്ഞ് എന്നിവരാണ് കെഎസ്ഇബിയുടെ പോത്തുപാറ സെക്ഷൻ ഓഫിസിന്റെ മുന്നിൽ രാത്രിയിൽ കുത്തിയിരുന്ന് പ്രതിഷേധിച്ചത്.
വീട്ടിലെ വൈദ്യുതിത്തകരാർ ദിവസങ്ങളായിട്ടും പരിഹരിക്കാത്തതിനെ തുടർന്നാണ് കുടുംബം കെഎസ്ഇബി ഓഫീസിന് മുന്നിൽ പ്രതിഷേധവുമായി എത്തിയത്.
കഴിഞ്ഞ മൂന്നു ദിവസമായി ഇവരുടെ വീട്ടിൽ വൈദ്യുതിയില്ല. പരാതി അറിയിച്ചിട്ടും അധികൃതർ തിരിഞ്ഞുനോക്കിയില്ലെന്നു കുടുംബം പറയുന്നു. മീറ്റർ ബോക്സിൽ നിന്നു സർവീസ് വയറിന്റെ ബന്ധം വിട്ടുപോയതാണ് തകരാറിന് ഇടയാക്കിയത്
