മൊബൈലിന്റെ ഇത്തിരിവെട്ടത്തിൽ ജോലി ചെയ്ത് ഉദ്യോഗസ്ഥർ; എംവിഡിയുടെ ഫ്യൂസ് ഊരി കെഎസ്ഇബി
പാലക്കാട്: വൈദ്യുതി ബിൽ കുടിശ്ശികയെ തുടർന്ന് പാലക്കാട് ജില്ലാ ആർടിഒ എൻഫോഴ്സ്മെന്റ് ഓഫീസിലെ വൈദ്യുതി ബന്ധം കെഎസ്ഇബി വിച്ഛേദിച്ചു.
നവംബർ, ഡിസംബർ മാസങ്ങളിലെ ബിൽ തുക അടയ്ക്കാതിരുന്നതിനെ തുടർന്ന് ഏകദേശം 55,000 രൂപ കുടിശ്ശികയായതോടെയാണ് നടപടി.
ജനുവരി രണ്ടിനാണ് കെഎസ്ഇബി ഉദ്യോഗസ്ഥർ ആർടിഒ എൻഫോഴ്സ്മെന്റ് ഓഫീസിലെ ഫ്യൂസ് ഊരിയത്. ഇതോടെ ഓഫീസിലെ പ്രവർത്തനങ്ങൾ ഗുരുതരമായി ബാധിക്കപ്പെട്ടു.
എഐ ക്യാമറകൾ വഴിയുള്ള ഗതാഗത നിയമലംഘനങ്ങൾക്ക് ചലാനുകൾ പുറപ്പെടുവിക്കാൻ കഴിയാത്ത അവസ്ഥയാണ് നിലവിലുള്ളത്.
വൈദ്യുതി ഇല്ലാത്തതിനാൽ ഉദ്യോഗസ്ഥർ മൊബൈൽ ഫോൺ വെളിച്ചത്തിലാണ് ജോലി ചെയ്യുന്നത്. ഓഫീസിൽ ഉള്ള അഞ്ച് ഇലക്ട്രിക് വാഹനങ്ങളും ചാർജ് ചെയ്യാൻ കഴിയാതെ ഉപയോഗശൂന്യമായി.
കുടിശ്ശിക ഉടൻ തീർപ്പാക്കുന്നതുവരെ വൈദ്യുതി ബന്ധം പുനഃസ്ഥാപിക്കാൻ കഴിയില്ലെന്ന നിലപാടിലാണ് കെഎസ്ഇബി.
English Summary
The Kerala State Electricity Board (KSEB) disconnected power supply to the Palakkad District RTO Enforcement Office due to pending electricity bill arrears of around ₹55,000 for November and December. The disconnection, carried out on January 2, has severely affected office operations. Officials are unable to issue traffic violation challans through AI cameras and are currently working using mobile phone lights. Additionally, five electric vehicles at the office cannot be used due to the lack of electricity.
palakkad-rto-enforcement-office-power-cut-kseb-bill-arrears
Palakkad news, RTO enforcement office, KSEB power cut, electricity bill arrears, AI traffic cameras, Kerala transport department
