ന്യൂഡല്ഹി: പഹല്ഗാം ഭീകരാക്രമണത്തിന്റെ പശ്ചാത്തലത്തില് കേന്ദ്രസര്ക്കാര് വിളിച്ച സര്വകക്ഷിയോഗം ഇന്ന്. ഇതുവരെയുള്ള അന്വേഷണത്തിന്റെ വിവരങ്ങള് സര്ക്കാര് വിവിധ രാഷ്ട്രീയ കക്ഷി നേതാക്കളെ അറിയിക്കും.
പഹല്ഗാം ഭീകരാക്രമണത്തിന് പാകിസ്ഥാനില് നിന്ന് സഹായം ലഭിച്ചെന്ന വിലയിരുത്തലിലാണ് കേന്ദ്ര സര്ക്കാര്. ഇന്ന് പ്രതിരോധ മന്ത്രി രാജ്നാഥ് സിങിന്റെ അധ്യക്ഷതയില് ചേരുന്ന സര്വകക്ഷി യോഗത്തില് ഇക്കാര്യം വിശദീകരിക്കും.
ഇന്നലെ കേന്ദ്ര മന്ത്രിസഭാസമിതിയുടെ യോഗത്തിലെടുത്ത തീരുമാനങ്ങളും ഇന്നു ചേരുന്ന സര്വകക്ഷിയോഗത്തെ അറിയിക്കും.
ഭീകരര് പ്രദേശത്തെ വനമേഖലയിലേക്ക് കടന്നുവെന്നാണ് സൈന്യത്തിന്റെ പ്രാഥമിക നിഗമനം. ഇതിന്റെ അടിസ്ഥാനത്തില് പഹല്ഗാം, ബൈസരണ്, അനന്ത് നാഗ് തുടങ്ങിയ മേഖലകളില് വ്യാപക തിരച്ചില് നടത്തി വരികയാണ്.
പഹല്ഗ്രാം ആക്രമണത്തിന്റെ സൂത്രധാരന് ലഷ്കര് ഇ തയ്ബ ഡെപ്യൂട്ടി കമാന്ഡര് സൈഫുള്ള കസൂരിയാണെന്ന് രഹസ്യാന്വേഷണ സംഘം പറയുന്നു.
പഹല്ഗ്രാം ഭീകരാക്രമണത്തിന്റെ പശ്ചാത്തലത്തില് ഇപ്പോഴത്തെ സ്ഥിതിഗതികള് വിലയിരുത്താന് കോണ്ഗ്രസ് പ്രവര്ത്തക സമിതി ഇന്ന് യോഗം ചേരും.
