എന്തായാലും എയർപോർട്ടിൽ ചെന്നാൽ കുറച്ചു സമയം കാത്തിരിക്കണം, ആ സമയം ഇനി പാഴാക്കണ്ടല്ലോ നേരെ മാട്രിമോണി സ്റ്റോറിൽ പോയാൽ ഒരു ജീവിതപങ്കാളിയെ തന്നെ കണ്ടുപിടിക്കാം. (Now those who get off the plane can find the bride and groom)
ചോക്ലേറ്റ്, പെർഫ്യൂം, സൗന്ദര്യവർദ്ധക വസ്തുക്കൾ, ഇലക്ട്രോണിക്സ്, വസ്ത്രങ്ങൾ എന്നിങ്ങനെയുള്ള ഉൽപ്പന്നങ്ങളാൽ നിറഞ്ഞ ഡ്യൂട്ടി ഫ്രീ സ്റ്റോറുകളാണ് എയർപോർട്ടുകളിൽ കാണാറുള്ളത്. എന്നാൽ, ഇതിൽ നിന്നും അല്പം വ്യത്യസ്തമായ ഒരു കാഴ്ച സമ്മാനിച്ചിരിക്കുകയാണ് ചെന്നൈ വിമാനത്താവളം.
ഇവിടെ ഡ്യൂട്ടി ഫ്രീ സ്റ്റോറുകൾക്കിടയിൽ ഒരു മാട്രിമോണി സ്റ്റോർ കൂടി സ്ഥാപിച്ചിരിക്കുകയാണ്. ഭാരത് മാട്രിമോണിയാണ് വ്യത്യസ്തമായ ആശയത്തിന് പിന്നിൽ.
സ്റ്റോറിന് തുടക്കം കുറിച്ചതോടെ ചെന്നൈ വിമാനത്താവളം എയർപോർട്ട് ഷോപ്പിംഗ് എന്ന ആശയം തികച്ചും പുതിയ തലത്തിലേക്ക് ഉയർത്തിയിരിക്കുകയാണ്.
എയർപോർട്ടിൽ നിന്നുള്ള ഭാരത് മാട്രിമോണിയുടെ ചിത്രം സാമൂഹികമാധ്യമങ്ങളിൽ പ്രചരിച്ചതോടെ അല്പം വ്യത്യസ്തമായ ഈ കൂടിച്ചേരൽ ഇൻറർനെറ്റ് ഉപഭോക്താക്കൾക്കിടയിലും ആശ്ചര്യം സൃഷ്ടിച്ചിരിക്കുകയാണ്. വളരെ രസകരമായാണ് സോഷ്യൽ മീഡിയാ ഉപയോക്താക്കളിൽ പലരും ഈ പോസ്റ്റിനോട് പ്രതികരിച്ചത്.
നല്ല പ്രതികരണമാണ് ആളുകളിൽ നിന്നും ലഭിക്കുന്നതെന്ന് അധികൃതർ പറയുന്നു. “അവർ ലവ് ഈസ് ഇൻ ദ എയർ ലിറ്ററൽ ” എന്നായിരുന്നു മറ്റൊരാൾ കുറിച്ചത്. ലാൻഡ് ചെയ്താൽ ഉടൻ തന്നെ വിവാഹം കഴിക്കാൻ ആഗ്രഹിക്കുന്നവർക്ക് മാട്രിമോണി സ്റ്റോറിന്റെ സഹായം തേടാമെന്നും ആളുകൾ പ്രതികരിച്ചു.
