ഡ്രൈവിങ് ടെസ്റ്റ് പരിഷ്കരണവുമായി മുന്നോട്ടു പോകാമെന്ന് ഹൈക്കോടതി. ട്രാന്സ്പോര്ട്ട് കമ്മീഷണറുടെ സര്ക്കുലറിന് സ്റ്റേ ഇല്ല. പരിഷ്കരണം സ്റ്റേ ചെയ്യണമെന്ന ഹര്ജികളിലെ ആവശ്യം കോടതി നിരാകരിച്ചു.ഗതാഗത കമ്മീഷണര് ഇറക്കിയ ഡ്രൈവിങ് ടെസ്റ്റിന് പരിഷ്കാരം ഏര്പ്പെടുത്തിക്കൊണ്ടുള്ള 4/ 2024 എന്ന സര്ക്കുലര് സ്റ്റേ ചെയ്യണമെന്ന് ആവശ്യപ്പെട്ട് നൽകിയ നാല് ഹർജികളിലാണ് ജസ്റ്റിസ് കൗസർ എടപ്പഗത്ത് തള്ളിയത്.
ട്രാൻസ്പോർട്ട് കമ്മീഷണർ ഇറക്കിയ സർക്കുലർ കേന്ദ്ര നിയമത്തിന് വിരുദ്ധമാണെന്നും സർക്കാറിന് നിയമത്തിൽ മാറ്റം വരുത്താൻ ആകില്ലെന്നുമാണ് ഹർജിക്കാരുടെ പ്രധാന വാദം. അതേസമയം കേന്ദ്ര മോട്ടോര് വാഹന ചട്ടത്തിന്റെ ചുവട് പിടിച്ചാണ് പരിഷ്കരണമെന്നാണ് മോട്ടോര് വാഹന വകുപ്പ് കോടതിയെ അറിയിച്ചത്. ഗിയര് ഇല്ലാത്ത ഇരുചക്ര വാഹനം ഉപയോഗിച്ചുള്ള ടെസ്റ്റ് നടത്തുന്നതും 15 വര്ഷത്തില് കൂടുതല് പഴക്കമുള്ള വാഹനങ്ങള് ഒഴിവാക്കാന് നിര്ദ്ദേശിക്കുന്നതും കാര്യക്ഷമത കൂട്ടാനാണെന്നും സര്ക്കാര് കോടതിയെ അറിയിച്ചിട്ടുണ്ട്.
Read More: അഭ്യൂഹങ്ങൾക്ക് വിരാമം: റായ്ബറേലിയിൽ രാഹുൽ ഗാന്ധി സ്ഥാനാർത്ഥി; അമേഠിയിൽ പ്രിയങ്കയില്ല
