മലപ്പുറം: നിപ ഫലങ്ങൾ നെഗറ്റീവായതോടെ മലപ്പുറം ജില്ലയിലെ നിയന്ത്രണങ്ങള് പിന്വലിച്ചു. കണ്ടെയ്ന്മെന്റ് സോണിലെ നിയന്ത്രണങ്ങളും ജില്ലയില് മാസ്ക് നിര്ബന്ധമാക്കിയതും പിൻവലിച്ചിട്ടുണ്ട്. ഇത് സംബന്ധിച്ച ഉത്തരവ് കളക്ടർ പുറത്തിറക്കി.(Nipah: Restrictions lifted in Malappuram district)
മലപ്പുറം ജില്ലയിലെ തിരുവാലി പഞ്ചായത്തിലെ 4,5,6,7 വാര്ഡുകളും മമ്പാട് പഞ്ചായത്തിലെ 7 വാര്ഡുകളുമായിരുന്നു കണ്ടെയ്ന്മെന്റ് സോണായി പ്രഖ്യാപിച്ചിരുന്നത്. ഇവിടത്തെ വിദ്യാലയങ്ങള് ഇന്നു തുറക്കും. സമ്പര്ക്കപ്പട്ടികയിലെ 94 പേരുടെ ക്വാറന്റീന് ഇന്ന് അവസാനിക്കും.
ഇന്നലെ ഫലം ലഭിച്ച 16 സാംപിളുകളും നെഗറ്റീവാണ്. ഇതുവരെ പരിശോധന നടത്തിയത് 104 ഫലങ്ങളാണ് നെഗറ്റീവായത്. രോഗലക്ഷണങ്ങളുമായി ഒരാള് ഇന്നലെ മഞ്ചേരി മെഡിക്കല് കോളജ് ആശുപത്രിയില് ചികിത്സ തേടി.
