നിപ രോഗപ്പകര്ച്ചയുടെ സൂചനകളില്ലെങ്കിലും ജാഗ്രത കൈവെടിയരുതെന്ന് ആരോഗ്യ വകുപ്പ് മന്ത്രി വീണാ ജോര്ജ്. നിപ നിയന്ത്രണങ്ങളില് മാനദണ്ഡങ്ങള്ക്കനുസരിച്ച് ഇളവ് വരുത്താന് മന്ത്രിയുടെ നേതൃത്വത്തില് ചേര്ന്ന യോഗം തീരുമാനിച്ചു. (Nipah: No signs of contagion to date, but do not let your guard down; Minister Veena George)
ഇപ്പോള് ചെറിയ ലക്ഷണങ്ങളുമായി ആശുപത്രിയില് ചികിത്സയിലുള്ളത് സമ്പര്ക്കപ്പട്ടികയിലുള്ള ഒരാള് മാത്രമാണ്. ഐസിയുവില് ആരും തന്നെ ചികിത്സയിലില്ല. 472 പേരാണ് നിലവില് സമ്പര്ക്ക പട്ടികയിലുള്ളത്.
ഇതുവരെ ആകെ 856 പേര്ക്ക് മാനസിക ആരോഗ്യ സേവനങ്ങള് നല്കി. മലപ്പുറം കളക്ടറേറ്റില് വൈകുന്നേരം ചേര്ന്ന നിപ അവലോകന യോഗത്തില് മന്ത്രി വീണാ ജോര്ജ് ഓണ്ലൈനായി പങ്കെടുത്തു.
ഐസൊലേഷനിലുള്ളവര് കൃത്യമായി ക്വാറന്റൈന് മാര്ഗനിര്ദേശങ്ങള് പാലിക്കണം. പ്രതിരോധ പ്രവര്ത്തനങ്ങള് ശക്തമായി തുടരും. മാസ്ക്, സാമൂഹിക അകലം എന്നിവ തുടരണമെന്നും ആരോഗ്യ മന്ത്രി അറിയിച്ചു.
ജില്ലാ ഭരണകൂടം ഇത് സംബന്ധിച്ച് ഉത്തരവ് പുറത്തിറക്കും.
