കോട്ടയം: കോട്ടയത്ത് നിപ സംശയത്തെ തുടർന്ന് ഒരാളെ മെഡിക്കല് കോളജ് ആശുപത്രിയില് പ്രവേശിപ്പിച്ചു. സമീപജില്ലയില് നിന്നാണ് ലക്ഷണങ്ങളോടെ രോഗി എത്തിയത്. നിലവിൽ മെഡിക്കല് കോളജ് ആശുപത്രിയിലെ പ്രത്യേക നിരീക്ഷണ മേഖലയിലാണ് രോഗി കഴിയുന്നത്.(Nipah doubt; One under observation at Kottayam Medical College)
ഇയാളുടെ സാംപിളുകള് പരിശോധനയ്ക്കായി അയച്ചിട്ടുണ്ട്. ഇന്നു ഫലം ലഭിക്കുമെന്നാണു പ്രതീക്ഷ. രണ്ടാഴ്ച മുന്പു നിപ, മങ്കിപോക്സ് സംശയത്തില് രണ്ടുപേരെ മെഡിക്കല് കോളജില് പ്രവേശിപ്പിച്ചിരുന്നെങ്കിലും പരിശോധനയില് രോഗമില്ലെന്നു സ്ഥിരീകരിച്ചിരുന്നു.
