ആരാധകരെ ത്തെട്ടിച്ച് മുൻ ആഴ്സണൽ താരത്തിൻ്റെ വിവാഹ പ്രഖ്യാപനം; വധു പോൺ താരം
ലണ്ടൻ/മാഡ്രിഡ്: മുൻ ആഴ്സണൽ താരവും ഐവറി കോസ്റ്റ് ദേശീയ ടീമിലെ പ്രമുഖ ഫുട്ബോൾ താരവുമായ നിക്കോളാസ് പെപ്പെയുടെ വിവാഹ പ്രഖ്യാപനം ഫുട്ബോൾ ലോകത്ത് വലിയ ചർച്ചയാകുന്നു.
അമേരിക്കൻ സോഷ്യൽ മീഡിയ ഇൻഫ്ലുവൻസറും അഡൽറ്റ് ഫിലിം നടിയുമായ ടിയാന ട്രംപ് (യഥാർത്ഥ പേര്: കീന നിഷെൽ ജോൺസ്) ആണ് താരത്തിന്റെ ജീവിതസഖിയാകുന്നത്.
ഏകദേശം ഒന്നര വർഷമായി തുടരുന്ന ബന്ധത്തിനൊടുവിലാണ് ഇരുവരും വിവാഹിതരാകാനുള്ള തീരുമാനം ഔദ്യോഗികമായി പ്രഖ്യാപിച്ചത്.
അടുത്തിടെയാണ് തങ്ങളുടെ പ്രണയബന്ധം ഇരുവരും പൊതുവേദിയിൽ സ്ഥിരീകരിച്ചത്.
തന്റെ ജീവിതത്തിലെ ഏറ്റവും സന്തോഷകരമായ ഘട്ടത്തിലൂടെയാണ് ഇപ്പോൾ കടന്നുപോകുന്നതെന്ന് നിക്കോളാസ് പെപ്പെ പ്രതികരിച്ചു. ടിയാനയുമായുള്ള ബന്ധം തനിക്ക് ആത്മവിശ്വാസവും മാനസിക പിന്തുണയും നൽകുന്നുവെന്നും താരം വ്യക്തമാക്കി.
മറ്റുള്ളവരുടെ അഭിപ്രായങ്ങളേക്കാൾ വ്യക്തിപരമായ സന്തോഷവും സ്നേഹവുമാണ് തനിക്ക് പ്രധാനമെന്നും, ടിയാനയോടൊപ്പം താൻ സുരക്ഷിതനും സന്തുഷ്ടനുമാണെന്നും പെപ്പെ പറഞ്ഞു. വ്യക്തിജീവിതത്തെക്കുറിച്ചുള്ള വിമർശനങ്ങൾ തന്നെ ബാധിക്കില്ലെന്നും താരം കൂട്ടിച്ചേർത്തു.
2024ൽ സ്പാനിഷ് ക്ലബ്ബായ വിയ്യാറയലിൽ ചേർന്നതിന് ശേഷമാണ് പെപ്പെയും ടിയാനയും തമ്മിലുള്ള ബന്ധം കൂടുതൽ അടുത്തതായത്. വിയ്യാറയലിന്റെ മത്സരങ്ങൾ കാണാനായി ടിയാന ക്ലബ്ബിന്റെ വിഐപി ബോക്സിൽ എത്തിയതും നേരത്തെ വാർത്തയായിരുന്നു.
ഇരുവരും ഇതുവരെ ബന്ധം സ്വകാര്യമായി സൂക്ഷിച്ചിരുന്നെങ്കിലും, പെപ്പെയുടെ മുൻ വിവാഹത്തിലെ കുട്ടികളോടൊപ്പം ടിയാന സമയം ചെലവഴിക്കുന്ന ചിത്രങ്ങൾ സാമൂഹിക മാധ്യമങ്ങളിൽ പ്രചരിച്ചതോടെയാണ് ഈ ബന്ധം വ്യാപക ശ്രദ്ധ നേടിയത്.
അതേസമയം, പെപ്പെയുടെ വിവാഹ തീരുമാനത്തെ അനുകൂലിച്ചും പ്രതികൂലിച്ചും സാമൂഹിക മാധ്യമങ്ങളിൽ വലിയ ചർച്ചകൾ തുടരുകയാണ്. നിരവധി ആരാധകർ താരത്തിന് പിന്തുണയുമായി രംഗത്തെത്തിയിട്ടുണ്ട്.
English Summary
Former Arsenal and Ivory Coast footballer Nicolas Pépé has officially announced his decision to marry American social media personality and adult film actress Tiana Trump (Keana Nichele Jones). The couple, who have been in a relationship for over a year, said the relationship has brought happiness, confidence and emotional support to the player. The announcement has sparked wide discussions on social media, with many fans expressing support.
nicolas-pepe-marriage-announcement-tiana-trump
Nicolas Pepe, Tiana Trump, football news, Arsenal former player, Ivory Coast footballer, Villarreal, celebrity marriage, sports news, social media reaction
