ചെന്നൈ: തമിഴ്നാട്ടിലെ പ്രമുഖ വാർത്താ അവതാരകയായിരുന്ന സൗന്ദര്യ അമുദമൊഴി അന്തരിച്ചു. അർബുദ ബാധിതയായി ചികിത്സയിലിരിക്കെയാണ് അന്ത്യം.News anchor Soundarya passes away; Anthyam was undergoing treatment for cancer
കഴിഞ്ഞ ആറു മാസത്തിലേറെയായി യുവതി അർബുദ രോഗത്തിന് ചികിത്സയിലായിരുന്നു. ചികിത്സയ്ക്കായി വിവിധ മേഖലകളിൽ നിന്നും ധനസഹായം ലഭിക്കുന്നതിനിടെയാണ് സൗന്ദര്യ അമുദമൊഴി മരണത്തിന് കീഴടങ്ങിയത്.
മാരകമായ അപ്ലാസ്റ്റിക് അനീമിയ എന്ന രോഗമായിരുന്നു സൗന്ദര്യയെ ബാധിച്ചത്. അസ്ഥിമജ്ജ കോശങ്ങൾ ഉത്പാദിപ്പിക്കാത്ത അവസ്ഥയാണിത്. അസ്ഥി മജ്ജ മാറ്റിവച്ചുള്ള ചികിത്സയ്ക്കാണ് യുവതി വിധേയയായത്.
ചികിത്സയുടെ വിവിധ ഘട്ടങ്ങളിലെ ചിത്രങ്ങൾ ഉൾപ്പെടെ സൗന്ദര്യ, സമൂഹമാധ്യമങ്ങളിൽ പങ്കുവച്ചിരുന്നു. മേയിൽ, ചികിത്സാ സഹായം അഭ്യർഥിച്ചും സൗന്ദര്യ പോസ്റ്റിട്ടിരുന്നു.
സമൂഹത്തിന്റെ വിവിധ തുറകളിൽനിന്ന് സൗന്ദര്യയ്ക്ക് സഹായങ്ങൾ ലഭിച്ചിരുന്നു. തമിഴ് ന്യൂസ് റീഡേഴ്‌സ് അസോസിയേഷനിൽനിന്ന് ടെലിവിഷൻ മാനേജ്‌മെന്റ് 5.51 ലക്ഷം രൂപയും തമിഴ്നാട് മുഖ്യമന്ത്രി എം.കെ.സ്റ്റാലിൻ 50 ലക്ഷം രൂപയും ചികിത്സക്കായി അനുവദിച്ചിരുന്നു. ഇതിനിടെയാണ് അപ്രതീക്ഷിത വിയോഗം.
