നവജാത ശിശുവിനെ മരിച്ച നിലയിൽ കണ്ടെത്തി
പത്തനംതിട്ട: നവജാത ശിശുവിനെ മരിച്ച നിലയിൽ കണ്ടെത്തി. പത്തനംതിട്ട മെഴുവേലിയിലാണ് സംഭവം. 21 കാരിയായ അവിവാഹിതയാണ് കുഞ്ഞിന് ജന്മം നൽകിയത്.
രക്തസ്രാവത്തെ തുടർന്ന് കുഞ്ഞിന്റെ അമ്മ ചെങ്ങന്നൂരിലെ ആശുപത്രിയിൽ പരിശോധനയ്ക്ക് എത്തിയപ്പോഴാണ് സംഭവം പുറം ലോകമറിഞ്ഞത്.
പിന്നാലെ ആശുപത്രി അധികൃതർ വിവരം അറിയച്ചതിനെ തുടർന്ന് പൊലീസ് സംഭവസ്ഥലത്തെത്തി പരിശോധന നടത്തുകയായിരുന്നു. തുടർന്ന് ഇലവുംതിട്ട പൊലീസാണ് മൃതദേഹം കണ്ടെത്തിയത്.
അയൽവീട്ടിലെ പറമ്പിലാണ് കുഞ്ഞിനെ ഉപേക്ഷിച്ചിരുന്നത്. അവിടെ ആരും താമസിക്കുന്നില്ല. അതേസമയം കുഞ്ഞിന്റെ മരണകാരണം വ്യക്തമല്ല. സംഭവത്തിൽ പൊലീസ് അന്വേഷണം ആരംഭിച്ചു.
മൃതദേഹം ജനറൽ ആശുപത്രിയിലേക്ക് മാറ്റി. കോന്നി മെഡിക്കൽ കോളജിലായിരിക്കും പോസ്റ്റ്മോർട്ടം നടക്കുക.
വീട്ടിലുള്ളവരെ കുത്തിവീഴ്ത്തി സ്വർണം കവർന്നു !
ഇടുക്കി: അടിമാലി ചിത്തിരപുരം ഡോബിപാലത്ത് ഉറങ്ങിക്കിടന്നവരെ കുത്തിവീഴ്ത്തി മോഷ്ടാവ് സ്വർണം കവർന്നു . ഡോബിപാലം സ്വദേശി ജയാഭവനിൽ ശകുന്തളയുടെ രണ്ടരപ്പവൻ വരുന്ന മാലയാണ് കവർന്നത്.
ഒരു മാല പൊട്ടിച്ചെടുത്ത മോഷ്ടാവ് രണ്ടാമത്തെ മാലയും പൊട്ടിക്കുന്നതിനിടെ ശകുന്തള ബഹളമുണ്ടാക്കി തുടർന്നാണ് കഴുത്തിലും നെറ്റിയിലും കുത്തുകയായിരുന്നു.
ബഹളം കേട്ട് ഓടിയെത്തിയ ശകുന്തളയുടെ പേരക്കുട്ടി അഭിഷേകിനെയും മോഷ്ടാവ് കത്തികൊണ്ട് ആക്രമിച്ചു. പേരക്കുട്ടിയുടെ ചെവിയിലാണ് കത്തി കൊണ്ടത്.
ചൊവ്വാഴ്ച പുലർത്തെ 1.30 നാണ് വീട്ടിൽ അതിക്രമിച്ചു കയറിയ മോഷ്ടാവ് സ്വർണം കവർന്നത്. ശകുന്തളയും മകനും മകളുടെ മകനുമാണ് മോഷണം നടന്ന സമയത്ത് വീട്ടിൽ ഉണ്ടായിരുന്നത്.
മോഷ്ടാവിന്റെ ആക്രമണത്തിൽ പരിക്കേറ്റ ഇവർ അടിമാലി താലൂക്ക് ആശുപത്രിയിൽ ചികിത്സ തേടി. മോഷ്ടാവിന്റെ പക്കൽ രണ്ടു കത്തികൾ ഉണ്ടായിരുന്നതായി ശകുന്തള പറയുന്നു.Read more
Summary: A newborn baby was found dead in Mezhuveli, Pathanamthitta. The infant was reportedly born to a 21-year-old unmarried woman. Authorities have launched an investigation into the tragic incident.
