നീറ്റ് ക്രമക്കേടുകളില് കേന്ദ്ര സര്ക്കാരിനെതിരായ പ്രതിഷേധം ശക്തമാക്കി കോണ്ഗ്രസ്. നീറ്റ് പരീക്ഷാര്ഥികള്ക്ക് നീതി ലഭിക്കണമെന്ന് ആവശ്യപ്പെട്ട് കോണ്ഗ്രസ് രാജ്യവ്യാപകമായി വെള്ളിയാഴ്ച പ്രതിഷേധം സംഘടിപ്പിക്കും. (NEET scam case: Congress announces nationwide protests on June 21)
നീറ്റില് ഇത്രയേറെ ക്രമക്കേട് ഉയര്ന്നുവന്നിട്ടും പ്രധാനമന്ത്രി ഉള്പ്പടെയുള്ളവര് മൗനം തുടരുകയാണെന്നും പരീക്ഷയുടെ നടത്തിപ്പില് അട്ടിമറിയുണ്ടായത് അത്യന്തം ഗൗരവകരമായ വിഷയമാണെന്നും കോൺഗ്രസ് ആരോപിച്ചു. ഫലപ്രദമായ ഇടപെടലിന് കേന്ദ്രസര്ക്കാര് തയ്യാറാകുന്നില്ലെന്നും കോണ്ഗ്രസ് പറയുന്നു.
എഐസിസി ജനറല് സെക്രട്ടറി കെസി വേണുഗോപാലാണ് ഇത് സംബന്ധിച്ച് പ്രക്ഷോഭം സംഘടിപ്പിക്കാന് പിസിസി അധ്യക്ഷന്മാര്ക്കും നിയമസഭാകക്ഷി നേതാക്കള്ക്കും കത്തയച്ചത്. ദേശീയതലത്തിലും സംസ്ഥാനതലത്തിലും മുതിര്ന്ന നേതാക്കള് പ്രക്ഷോഭത്തിന്റെ ഭാഗമാകുമെന്നാണ് വിവരം.
ലോക്സഭാ സമ്മേളനം ആരംഭിക്കുന്നതിന് തൊട്ടമുന്പാണ് കോണ്ഗ്രസിന്റെ പ്രതിഷേധമെന്നതും ശ്രദ്ധേയമാണ്. നീറ്റ് വിഷയത്തില് സഭാ സമ്മേളനം പ്രക്ഷുബ്ധമാകാന് സാധ്യതയുണ്ട്.
Read More: സ്കൂൾ പ്രവൃത്തി ദിവസം 220 ആക്കിയതിനെതിരെ ഹർജി; ഹൈക്കോടതിയുടെ നിലപാട് ഇങ്ങനെ
Read More: മൂന്നാമതും ‘അമ്മ’ പ്രസിഡന്റാവാൻ മോഹൻലാൽ; ജനറല് സെക്രട്ടറി, വൈസ് പ്രസിഡന്റ് സ്ഥാനത്തേക്ക് മത്സരം
