ന്യൂഡല്ഹി: ദേശീയ ഗുസ്തി താരം ബജ്റങ് പുനിയക്ക് നാലു വര്ഷം വിലക്ക്. ദേശീയ ഉത്തേജക വിരുദ്ധ ഏജന്സി (നാഡ)യാണ് പുനിയക്ക് വിലക്ക് ഏര്പ്പെടുത്തിയത്.
ഉത്തേജക പരിശോധനക്ക് വിസമ്മതിച്ചെന്നും പരിശോധനക്ക് സാമ്പിള് നല്കിയില്ലെന്നും നാഡ അധികൃതര് അറിയിച്ചു.
ഏപ്രില് 23 മുതല് 4 വര്ഷത്തേക്കാണ് വിലക്ക് ഏർപ്പെടുത്തിയിരിക്കുന്നത്. ഇതോടെ 4 വർഷത്തേക്ക് ഗുസ്തി മത്സരങ്ങളില് പങ്കെടുക്കുവാനോ പരിശീലകന് ആകാനാകാനോ പുനിയക്ക് കഴിയില്ല.
ടോക്കിയോ ഒളിംപിക്സില് വെങ്കല മെഡല് ജേതാവായ ഗുസ്തി താരത്തെ ഏപ്രില് 23 ന് സസ്പെന്ഡ് ചെയ്തിരുന്നു. പിന്നീട് യുഡബ്ല്യുഡബ്ല്യുയും താരത്തെ സസ്പെന്ഡ് ചെയ്തു. എന്നാൽ താല്ക്കാലിക സസ്പെന്ഷനെതിരെ ബജ്റങ് അപ്പീല് നല്കിയിരുന്നു.
എന്നാൽകാലാവധി കഴിഞ്ഞ കിറ്റുകള് പരിശോധനയ്ക്ക് നല്കി എന്ന കാരണത്താല് ആണ് പുനിയ സാമ്പിള് കൈമാറാന് വിസമ്മതിച്ചത്. പരിശോധനയ്ക്ക് തയാറാണെന്നും കിറ്റുകളില് വ്യക്തത വേണമെന്നും പൂനിയ നാഡയെ അറിയിച്ചിരുന്നു.
){kind=link}