പാലക്കാട് ഇളക്കിമറിച്ച് മോദി! എൻഡിഎയുടെ തിരഞ്ഞെടുപ്പ് പ്രചാരണത്തിന് ആവേശം പകർന്ന് പ്രധാനമന്ത്രിയുടെ വൻ റോഡ് ഷോ

പാലക്കാട് ഇളക്കിമറിച്ച് മോദി! എൻഡിഎയുടെ തിരഞ്ഞെടുപ്പ് പ്രചാരണത്തിന് ആവേശം പകർന്ന് പ്രധാനമന്ത്രിയുടെ വൻ റോഡ് ഷോ

പാലക്കാട്: എൻഡിഎ സ്ഥാനാർഥികളുടെ തിരഞ്ഞെടുപ്പ് പ്രചാരണത്തിന് ഊർജം പകരാൻ പ്രധാനമന്ത്രി നരേന്ദ്ര മോദി പാലക്കാട്ടെത്തി. സംസ്ഥാനത്ത് ബിജെപി ഏറ്റവും കൂടുതൽ പ്രതീക്ഷ വെക്കുന്ന മണ്ഡലങ്ങളിലൊന്നായ പാലക്കാട് ലക്ഷ്യമിട്ടാണ് സന്ദർശനം.

ഹെലിക്കോപ്റ്റർ മാർഗം മേഴ്സി കോളേജ് ഗ്രൗണ്ടിൽ എത്തിയ പ്രധാനമന്ത്രിയെ വൻ ജനക്കൂട്ടമാണ് സ്വീകരിച്ചത്. തുടർന്ന് വാഹനവ്യൂഹത്തിൽ കോട്ടമൈതാനത്തേക്ക് നീങ്ങിയ മോദി, മിഷൻ സ്കൂൾ ജങ്ഷൻ മുതൽ എസ്.ബി.ഐ ജങ്ഷൻ വരെ നടത്തിയ റോഡ് ഷോയിലൂടെ പ്രവർത്തകരെ അഭിവാദ്യം ചെയ്തു.

റോഡ് ഷോയ്ക്ക് ശേഷം കോട്ടമൈതാനത്ത് നടക്കുന്ന പൊതുസമ്മേളനത്തിൽ പ്രധാനമന്ത്രി പ്രസംഗിക്കും. മറ്റ് പ്രധാന സ്ഥാനാർഥികളും വേദിയിൽ അദ്ദേഹത്തോടൊപ്പം ഉണ്ടാകും.

കേരള സന്ദർശനത്തിന് മുൻപ് സാമൂഹ്യമാധ്യമമായ എക്സിൽ മലയാളത്തിൽ കുറിച്ച സന്ദേശവും ശ്രദ്ധ നേടിയിരുന്നു. സംസ്ഥാനത്തെ പൊതുമനോഭാവം എൻഡിഎയ്ക്ക് അനുകൂലമാണെന്നും എൽഡിഎഫ്, യുഡിഎഫ് ഭരണത്തിൽ ജനങ്ങൾ അസന്തുഷ്ടരാണെന്നും അദ്ദേഹം അഭിപ്രായപ്പെട്ടു. കേരളത്തിലെ ജനങ്ങളോടൊപ്പം സമയം ചെലവഴിക്കാനായി കാത്തിരിക്കുകയാണെന്നും മോദി കുറിച്ചിരുന്നു.

തിരഞ്ഞെടുപ്പ് അടുത്തിരിക്കെ പാലക്കാട് രാഷ്ട്രീയ രംഗത്ത് ഈ സന്ദർശനം വലിയ പ്രാധാന്യം നേടുകയാണ്.

English Summary
Prime Minister Narendra Modi visited Palakkad to boost the NDA’s election campaign, targeting one of the BJP’s most promising constituencies in Kerala.