ട്രക്കിംഗിനിടെ അപകടം: ഗായിക ചിത്ര അയ്യരുടെ സഹോദരി ശാരദ അയ്യർ മരിച്ചു
കൊല്ലം: മസ്കറ്റിലെ ജബൽശംസിൽ കഴിഞ്ഞ 2ന് ട്രക്കിംഗിനിടെ ഉണ്ടായ അപകടത്തിൽ ഗായിക ചിത്ര അയ്യരുടെ സഹോദരി ശാരദ അയ്യർ (55) മരിച്ചു.
തഴവ കുതിരപ്പന്തി വെങ്ങാട്ടമ്പള്ളി മഠത്തിൽ (നവശക്തി) സ്വദേശിനിയാണ് ശാരദ അയ്യർ.
പരേതരായ കാർഷിക ശാസ്ത്രജ്ഞൻ ഡോ. ആർ.ഡി. അയ്യർ (റിട്ട. സീനിയർ പ്രിൻസിപ്പൽ സയന്റിസ്റ്റ്, സി.പി.സി.ആർ.ഐ, കാസർകോട്)യും ഡോ. രോഹിണി അയ്യറും (റിട്ട. സീനിയർ പ്രിൻസിപ്പൽ സയന്റിസ്റ്റ്, സി.പി.സി.ആർ.ഐ, കാസർകോട്) ദമ്പതികളുടെ മകളാണ്.
കഴിഞ്ഞ മാസം 11ന് പിതാവ് ഡോ. ആർ.ഡി. അയ്യർ അന്തരിച്ചതിനെ തുടർന്ന് സംസ്കാര ചടങ്ങുകൾക്കായി ശാരദ നാട്ടിലെത്തിയിരുന്നു.
തുടർന്ന് 24നാണ് മസ്കറ്റിലേക്ക് തിരിച്ചുപോയത്. ജർമ്മനിയിലെ അഡിഡാസ് കമ്പനിയിൽ സെയിൽസ് മാനേജറായും ഒമാൻ എയറിൽ മാനേജറായും പ്രവർത്തിച്ചിട്ടുള്ള ശാരദ പിന്നീട് മസ്കറ്റിൽ സ്വന്തമായി നിർമ്മാണ കമ്പനി ആരംഭിച്ച് പ്രവർത്തിച്ചു വരികയായിരുന്നു.
മൃതദേഹം നിലവിൽ ബഹ്ല ആശുപത്രി മോർച്ചറിയിൽ സൂക്ഷിച്ചിരിക്കുകയാണ്. നാളെ മൃതദേഹം നാട്ടിലെത്തിക്കും. സംസ്കാര ചടങ്ങുകൾ 7ന് നടക്കും.
മകൻ: കബീർ (ഓസ്ട്രേലിയ).
മറ്റൊരു സഹോദരി: ഡോ. രമ അയ്യർ (ഗൈനക്കോളജിസ്റ്റ് – ഓങ്കോളജി, യു.കെ).
English Summary
Sharada Iyer (55), sister of noted singer Chithra Iyer, died in a trekking accident at Jabal Shams in Muscat on the 2nd. A native of Kollam, she was the daughter of renowned agricultural scientists Dr. R.D. Iyer and Dr. Rohini Iyer. Sharada had recently returned to Muscat after attending her father’s funeral in Kerala. She had previously worked with Adidas in Germany and Oman Air, and later ran her own construction company in Muscat. Her body is kept at Bahla Hospital mortuary and will be brought home tomorrow. Funeral will be held on the 7th.
muscat-jabal-shams-trekking-accident-sharada-iyer-death
Muscat News, Trekking Accident, Sharada Iyer, Chithra Iyer Sister, Oman News, Kollam News, Malayalam News
