ലാലേട്ടൻ ഇതോടു കൂടി ഇങ്ങനെയുള്ള സിനിമകൾ നിർത്തണം’; വൃഷഭ എക്സ് പ്രതികരണം
മോഹൻലാൽ നായകനായ പാൻ–ഇന്ത്യൻ ആക്ഷൻ ഡ്രാമ ‘വൃഷഭ’ ക്രിസ്മസ് റിലീസായി തിയറ്ററുകളിലെത്തി.
നന്ദ കിഷോർ സംവിധാനം ചെയ്ത ബിഗ് ബജറ്റ് ചിത്രത്തിന് ആദ്യ ഷോകൾക്ക് പിന്നാലെ തന്നെ പ്രേക്ഷക പ്രതികരണങ്ങൾ പുറത്തുവന്നിട്ടുണ്ട്.
ചിത്രത്തിന് ലഭിക്കുന്നത് സമ്മിശ്ര പ്രതികരണങ്ങളാണ്.
ടൈറ്റിൽ കാർഡിനും ചില ആക്ഷൻ മുഹൂർത്തങ്ങൾക്കും മികച്ച അഭിപ്രായം ലഭിച്ചിട്ടുണ്ടെങ്കിലും, വിഎഫ്എക്സ്, ഡബ്ബിങ്, ഡയലോഗുകൾ എന്നിവയെ കടുത്ത ഭാഷയിൽ വിമർശിക്കുന്നവരും ഏറെയാണ്.
ചരിത്ര പശ്ചാത്തലത്തിലുള്ള സീനുകളിലെ വിഎഫ്എക്സ് വലിയ പരാജയമെന്ന വിലയിരുത്തലും സാമൂഹ്യമാധ്യമങ്ങളിൽ ഉയരുന്നുണ്ട്.
ചിലർ ചിത്രത്തെ “ദുരന്തം” എന്ന് വിശേഷിപ്പിച്ചപ്പോൾ, മറ്റുചിലർ “വൺ ടൈം വാച്ച്” എന്ന നിലപാടാണ് പങ്കുവെച്ചത്.ലാലേട്ടൻ ഇതോടു കൂടി ഇങ്ങനെയുള്ള സിനിമകൾ നിർത്തണം’ എന്ന് ചിലർ.
അതേസമയം, ചിത്രത്തെ അനുകൂലിക്കുന്ന അഭിപ്രായങ്ങളും കുറവല്ല. ക്ലൈമാക്സ് സീനുകൾ വ്യത്യസ്തമാണെന്നും, ചില രംഗങ്ങളിൽ മോഹൻലാൽ മികച്ച പ്രകടനം കാഴ്ചവെച്ചുവെന്നുമാണ് അനുകൂല പ്രതികരണങ്ങൾ.
സാം സി എസ് ഒരുക്കിയ സംഗീതത്തിനും ഇടയ്ക്ക് കൈയ്യടി ലഭിക്കുന്നുണ്ട്.
വൃഷഭയിൽ മോഹൻലാൽ ഡബിൾ റോളിലാണ് എത്തുന്നത്.
ആദി ദേവ വർമ്മ, രാജാ വിജയേന്ദ്ര വൃഷഭ എന്നീ കഥാപാത്രങ്ങളെയാണ് അദ്ദേഹം അവതരിപ്പിക്കുന്നത്.
English Summary:
Mohanlal’s pan-Indian action drama Vrushabha, directed by Nanda Kishore, has hit theatres as a Christmas release. The film has received mixed initial responses from audiences. While the title card, music, and a few action moments have been appreciated, strong criticism has emerged against the VFX, dubbing, and dialogues. Some viewers have termed it a one-time watch, while others have praised Mohanlal’s performance in select scenes and the film’s climax.
mohanlal-vrushabha-first-response-mixed-review
Mohanlal, Vrushabha, Malayalam Cinema, Pan Indian Film, Movie Review, Christmas Release, Nanda Kishore, Film News
