കോഴിക്കോട്: പ്രായപൂര്ത്തിയാകാത്ത പെണ്കുട്ടിക്ക് നേരെ പീഡന ശ്രമം. കോഴിക്കോട് ചാലപ്പുറത്ത് വെച്ചാണ് അതിക്രമം നടന്നത്. സംഭവത്തിൽ രണ്ടു അതിഥി തൊഴിലാളികളെ പോലീസ് പിടികൂടി.
ബിഹാർ സ്വദേശികളായ ഫൈസൽ അൻവർ (36), ഇമാൻ അലി (18) എന്നിവരെയാണ് കോഴിക്കോട് കസബ പൊലീസ് പിടികൂടിയത്. പതിനാല് വയസുള്ള പെണ്കുട്ടിക്ക് നേരെയാണ് അതിക്രമം നടന്നത്.
പ്രത്യേക സ്ക്വാഡിന്റെ അന്വേഷണത്തിലാണ് പ്രതികളെ പിടികൂടിയത്. പോക്സോ, തട്ടിക്കൊണ്ടുപോകാനുള്ള ശ്രമം തുടങ്ങിയ വകുപ്പുകള് പ്രകാരമാണ് പ്രതികൾക്കെതിരെ കേസെടുത്തത്. പ്രതികളെ നാളെ കോടതിയില് ഹാജരാക്കും.
ബീച്ചിൽ പോത്തിന്റെ ആക്രമണം; ആറ് വയസ്സുകാരിയുടെ വാരിയെല്ലിന് ചവിട്ടേറ്റു
കോഴിക്കോട്: പോത്തിന്റെ ആക്രമണത്തിൽ ആറ് വയസുകാരിക്ക് പരിക്കേറ്റു. കോഴിക്കോട് ബീച്ചിൽ വെച്ചാണ് സംഭവം. മലപ്പുറം മോങ്ങം സ്വദേശിയായ കൊല്ലടിക യാസർ അറാഫത്തിൻ്റെ മകൾ ഇസ മെഹക്കിനാണ് പരിക്കേറ്റത്.
ബീച്ചിലെ ഓപ്പൺ സ്റ്റേജിന് സമീപത്തുവെച്ചാണ് പോത്തിന്റെ ആക്രമണം ഉണ്ടായത്. സ്ഥലത്ത് മേഞ്ഞ് നടന്നിരുന്ന രണ്ട് പോത്തുക്കൾ ആളുകൾക്കിടിയിലേക്ക് പാഞ്ഞ് വരികയായിരുന്നു. ഇതിൽ ഒരു പോത്ത് കടലിൽ കുളിച്ച് കരയിലേക്ക് കയറിയ കുട്ടികളെ ആക്രമിച്ചു.
