കാട്ടുമാഠം മനയിൽ നിന്നും 300 വർഷത്തിലധികം പഴക്കമുള്ള വിഗ്രഹവും സ്വർണാഭരണങ്ങളും കവർന്നയാൾ പിടിയിൽ; സ്വർണാഭരണങ്ങൾ വിറ്റു; വി​ഗ്രഹങ്ങൾ തിരിച്ചുകിട്ടി; മനാഫിനെ അറസ്റ്റ് ചെയ്തത് കൊടുങ്ങല്ലൂരിൽ നിന്നും

മലപ്പുറം :കാട്ടുമാഠം മനയിൽ നിന്നും നൂറ്റാണ്ടുകൾ പഴക്കമുള്ള വി​ഗ്രഹവും സ്വർണവും കവർന്നയാൾ അറസ്റ്റിലായി. ചാവക്കാട് സ്വദേശി മനാഫാണ് പിടിയിലായത്. താന്ത്രികക്ഷേത്രമായ പെരുമ്പടപ്പ് കാട്ടുമാടം മനയിൽ നിന്നാണ് ഇയാൾ സ്വർണവും നൂറ്റാണ്ടുകൾ പഴക്കമുള്ള വിഗ്രഹവും കവർന്നത്. അഞ്ച് നൂറ്റാണ്ടോളം പഴക്കമുള്ളതാണ് വന്നേരി പെരുമ്പടപ്പ് കാട്ടുമാടം മന. കഴിഞ്ഞയാഴ്ചയായിരുന്നു നാടിനെ നടുക്കിയ വൻ കവർച്ച നടന്നത്. മനയ്‌ക്ക് അകത്ത് സൂക്ഷിച്ചിരുന്ന 300 വർഷത്തിലധികം പഴക്കമുള്ള വിഗ്രഹവും പത്ത് പവനോളം സ്വർണാഭരണങ്ങളുമാണ് കവർന്നത്. കൂടാതെ മനയുടെ മുൻവശത്തെ ഭണ്ഡാരവും പൊളിച്ചിരുന്നു. മോഷ്ടിച്ച സ്വർണാഭരണങ്ങൾ ഇയാൾ വിറ്റഴിച്ചതായി പൊലീസ് അറിയിച്ചു. വിഗ്രഹങ്ങൾ കൊടുങ്ങല്ലൂരിലെ വാടക വീട്ടിൽ നിന്ന് പൊലീസ് കണ്ടെത്തി.