മലയാളി യുവാവ് അയർലണ്ടിൽ കുഴഞ്ഞു വീണു മരിച്ചു. കൗണ്ടി മീത്തിലെ സ്റ്റാമുള്ളിനിൽ താമസിക്കുന്ന വയനാട് സ്വദേശിയായ വിജേഷ് പി.കെ (32) ആണ് മരിച്ചത്. ജോലി കഴിഞ്ഞ് മടങ്ങും വഴിയാണ് സംഭവം. ഉടൻ അടിയന്തര രക്ഷാ സേന എത്തി ശുശ്രൂഷ നല്കി ആശുപത്രിയിൽ എത്തിച്ചെങ്കിലും മരണം സംഭവിക്കുകയായിരുന്നു. ദ്രോഹഡയിലെ ഔർ ലേഡി ലൂർദ്സ് ഹോസ്പിറ്റലിൽ സൂക്ഷിച്ചിരിക്കുന്ന മൃതദേഹം നടപടിക്രമങ്ങൾക്ക് ശേഷം നാട്ടിൽ എത്തിക്കും. വിജേഷിന്റെ കുടുംബം നാട്ടിലാണ്. വിജേഷ് 2023 ഡിസംബർ മുതൽ സ്റ്റാമുള്ളിനിൽ ടാൽബോട്ട് ഗ്രൂപ്പിന് കീഴിലുള്ള റെഡ് വുഡ് എക്സ്റ്റൻഡഡ് കെയർ ഹോമിൽ ഹെൽത്ത് കെയർ അസിസ്റ്റന്റ് ആയി ജോലി ചെയ്തുവരികയായിരുന്നു.

Read also;കാഞ്ഞിരപ്പള്ളി ഇടക്കുന്നത്തുനിന്നും മാരക മയക്കുമരുന്നായ എം.ഡി.എം.എ. പിടികൂടി