കാണാതായ മലയാളി സൈനികൻ വീട്ടിൽ തിരിച്ചെത്തി
തൃശൂർ: ഡൽഹിയിൽ നിന്നും കാണാതായ മലയാളി സൈനികൻ വീട്ടിൽ തിരിച്ചെത്തി. തൃശൂർ ചാവക്കാട് സ്വദേശിയായ ഫർസീനെ ആണ് കാണാതായത്. ഫർസീന് ഓർമ പ്രശ്‌നമുണ്ടെന്ന് ബന്ധുക്കൾ പറഞ്ഞു.
ഉത്തർപ്രദേശിലെ സൈനിക പരിശീലന ക്യാമ്പിലേക്കുള്ള യാത്രക്കിടെ കഴിഞ്ഞ മാസമാണ് ഗുരുവായൂർ സ്വദേശിയായ ഫർസീനെ കാണാതാവുന്നത്.
തുടർന്ന് സൈനികന്റെ കുടുംബം പൊലീസിലും കേന്ദ്ര മന്ത്രി സുരേഷ് ഗോപിക്കും മറ്റും അന്വേഷണം ആവശ്യപ്പെട്ട് പരാതി നൽകിയിരുന്നു.
തിരിച്ചെത്തിയ ഫർസീൻ ബിഹാറിലേക്ക് ഒരു യാത്രപോയതാണെന്നാണ് കുടുംബത്തോട് പറഞ്ഞിരിക്കുന്നത്.
ഫർസീന് ഓർമക്കുറവ് അടക്കമുള്ള ആരോഗ്യപ്രശ്‌നമുള്ളതായും യാത്രക്കിടെ ചില സാധനങ്ങൾ നഷ്ടപ്പെട്ടതായും കുടുംബം വ്യക്തമാക്കി. സൈനികൻ നിലവിൽ ചികിത്സയിലാണ്.
Summary: Farseen, a Malayali soldier from Chavakkad, Thrissur, who went missing from Delhi, has safely returned home. According to family members, Farseen has a memory-related health condition which may have led to his disappearance.
